paigham-e-id

chandā maamā kal kī shaam

ḳhushiyoñ kā laanā paiġhām

ghar ghar aa.e sub.h-e-'īd

sab kī puurī ho ummīd

chehre par yuuñ jaage nuur

dil se ġham ho kosoñ duur

ġhusl se ho kar paak aur saaf

bachche jab pahneñ poshāk

mausam meñ hariyālī aa.e

giit jahāñ ḳhushiyoñ ke gaa.e

vāhid afzal aur yā'qūb

duudh siva.iyāñ khaao ḳhuub

sadqa-e-fitr adā bhī karnā

mohtājoñ ke dāman bharnā

dushman ko yuuñ karnā shaad

de aḳhlāq kī duniyā daad

paḌh ke namāz-e-vājib tum

rab se kahnā rāġhib tum

maulā sab ko ek banā

ham bachchoñ ko nek banā

chanda mama kal ki sham

KHushiyon ka lana paigham

ghar ghar aae subh-e-'id

sab ki puri ho ummid

chehre par yun jage nur

dil se gham ho koson dur

ghusl se ho kar pak aur saf

bachche jab pahnen poshak

mausam mein hariyali aae

git jahan KHushiyon ke gae

wahid afzal aur ya'qub

dudh siwaiyan khao KHub

sadqa-e-fitr ada bhi karna

mohtajon ke daman bharna

dushman ko yun karna shad

de aKHlaq ki duniya dad

paDh ke namaz-e-wajib tum

rab se kahna raghib tum

maula sab ko ek bana

hum bachchon ko nek bana