paisa

MORE BYNazeer Akbarabadi

    naqsh yaañ jis ke miyāñ haath lagā paise

    us ne tayyār har ik ThāTh kiyā paise

    ghar bhī pākīza imārat se banā paise

    khānā ārām se khāne ko milā paise

    kapḌā tan bhī milā zeb-fazā paise

    jab huā paise ai dosto aa kar sanjog

    ishrateñ paas huiiñ duur hue man ke rog

    khaa.e jab māl-pūe duudh dahī mohan-bhog

    dil ko ānand hue bhaag ga.e rog aur dhog

    aisī ḳhūbī hai jahāñ aanā huā paise

    saath ik dost ke ik din jo maiñ gulshan meñ gayā

    vaañ ke sarv-o-suman-o-lāla-o-gul ko dekhā

    pūchhā us se ki ye hai baaġh batāo kis

    us ne tab gul tarah hañs diyā aur mujh se kahā

    mehrbāñ mujh se ye tum pūchhā ho kyā paise

    ye to kyā aur jo haiñ is se baḌe bāġh-o-chaman

    haiñ khile kiyāriyoñ meñ nargis-o-nasrīn-o-suman

    hauz favvāre haiñ bañgloñ meñ bhī parde chalvan

    jā-ba-jā qumrī-o-bulbul sadā shor-afgan

    vaañ bhī dekhā to faqat gul hai khilā paise

    vaañ koī aayā liye ek murassā piñjḌā

    laal dastār-o-dupaTTā bhī harā jūñ-totā

    is meñ ik baiThī vo mainā ki ho bulbul bhī fidā

    maiñ ne pūchhā ye tumhārā hai rahā vo chupkā

    niklī minqār se mainā ke sadā paise

    vaañ se niklā to makāñ ik nazar aayā aisā

    dar-o-dīvār se chamke thā paḌā āb-e-talā

    siim chūne jagah us thā īñToñ meñ lagā

    vāh-vā kar ke kahā maiñ ne ye hogā kis

    aql ne jab mujhe chupke se kahā paise

    rūThā āshiq se jo māshūq koī haT bharā

    aur vo minnat se kisī taur nahīñ hai mantā

    ḳhūbiyāñ paise ai yaaro kahūñ maiñ kyā kyā

    dil agar sañg se bhī us ziyāda thā kaḌā

    mom-sā ho gayā jab naam sunā paise

    jis ghaḌī hotī hai ai dosto paise numūd

    har tarah hotī hai ḳhush-vaqti-o-ḳhūbī bahbūd

    ḳhush-dilī tāzgī aur ḳhurmī kartī hai durūd

    jo ḳhushī chāhiye hotī hai vahīñ aa maujūd

    dekhā yaaro to ye hai aish-o-mazā paise

    paise vaale ne agar baiTh ke logoñ meñ kahā

    jaisā chāhūñ to makāñ vaisā Dālūñ banvā

    harf-e-takrār kisī jo zabāñ par aayā

    us ne banvā ke diyā jaldī se vaisā dikhā

    us ye kaam hai ai dosto paise

    naach aur raag bhī ḳhūb-sī tayyārī hai

    husn hai naaz hai ḳhūbī hai tarah-dārī hai

    rabt hai pyaar hai aur dostī hai yaarī hai

    ġhaur se dekhā to sab aish bisyārī hai

    ruup jis vaqt huā jalva-numā paise

    daam meñ daam ke yaaro jo mirā dil hai asiir

    is liye hotī hai ye merī zabāñ se taqrīr

    meñ ḳhush rahtā hai aur dil bhī bahut aish-pazīr

    jis qadar ho sakā maiñ ne kiyā tahrīr 'nazīr'

    vasf aage maiñ likhūñ tā-ba-kujā paise

    naqsh yan jis ke miyan hath laga paise ka

    us ne tayyar har ek ThaTh kiya paise ka

    ghar bhi pakiza imarat se bana paise ka

    khana aaram se khane ko mila paise ka

    kapDa tan ka bhi mila zeb-faza paise ka

    jab hua paise ka ai dosto aa kar sanjog

    ishraten pas huin dur hue man ke rog

    khae jab mal-pue dudh dahi mohan-bhog

    dil ko aanand hue bhag gae rog aur dhog

    aisi KHubi hai jahan aana hua paise ka

    sath ek dost ke ek din jo main gulshan mein gaya

    wan ke sarw-o-suman-o-lala-o-gul ko dekha

    puchha us se ki ye hai bagh batao kis ka

    us ne tab gul ki tarah hans diya aur mujh se kaha

    mehrban mujh se ye tum puchha ho kya paise ka

    ye to kya aur jo hain is se baDe bagh-o-chaman

    hain khile kiyariyon mein nargis-o-nasrin-o-suman

    hauz fawware hain banglon mein bhi parde chalwan

    ja-ba-ja qumri-o-bulbul ki sada shor-afgan

    wan bhi dekha to faqat gul hai khila paise ka

    wan koi aaya liye ek murassa pinjDa

    lal dastar-o-dupaTTa bhi hara jun-tota

    is mein ek baiThi wo maina ki ho bulbul bhi fida

    main ne puchha ye tumhaara hai raha wo chupka

    nikli minqar se maina ke sada paise ka

    wan se nikla to makan ek nazar aaya aisa

    dar-o-diwar se chamke tha paDa aab-e-tala

    sim chune ki jagah us ki tha inTon mein laga

    wah-wa kar ke kaha main ne ye hoga kis ka

    aql ne jab mujhe chupke se kaha paise ka

    ruTha aashiq se jo mashuq koi haT ka bhara

    aur wo minnat se kisi taur nahin hai manta

    KHubiyan paise ki ai yaro kahun main kya kya

    dil agar sang se bhi us ka ziyaada tha kaDa

    mom-sa ho gaya jab nam suna paise ka

    jis ghaDi hoti hai ai dosto paise ki numud

    har tarah hoti hai KHush-waqti-o-KHubi bahbud

    KHush-dili tazgi aur KHurmi karti hai durud

    jo KHushi chahiye hoti hai wahin aa maujud

    dekha yaro to ye hai aish-o-maza paise ka

    paise wale ne agar baiTh ke logon mein kaha

    jaisa chahun to makan waisa hi Dalun banwa

    harf-e-takrar kisi ki jo zaban par aaya

    us ne banwa ke diya jaldi se waisa hi dikha

    us ka ye kaam hai ai dosto ya paise ka

    nach aur rag ki bhi KHub-si tayyari hai

    husn hai naz hai KHubi hai tarah-dari hai

    rabt hai pyar hai aur dosti hai yari hai

    ghaur se dekha to sab aish ki bisyari hai

    rup jis waqt hua jalwa-numa paise ka

    dam mein dam ke yaro jo mera dil hai asir

    is liye hoti hai ye meri zaban se taqrir

    ji mein KHush rahta hai aur dil bhi bahut aish-pazir

    jis qadar ho saka main ne kiya tahrir 'nazir'

    wasf aage main likhun ta-ba-kuja paise ka

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY