aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pandrah august

Maftun Kotvi

pandrah august

Maftun Kotvi

MORE BYMaftun Kotvi

    ḳhushiyoñ ke giit gaao ki pañdrah august hai

    sab mil ke muskurāo ki pañdrah august hai

    har samt qahqahe haiñ charāġhāñ hai har taraf

    tum ḳhud bhī jagmagāo ki pañdrah august hai

    har gosha-e-vatan ko nikhāro sañvār do

    mahkāo lahlahāo ki pañdrah august hai

    āzādī-e-vatan pe hue haiñ ka.ī nisār

    ḳhātir meñ in ko laao ki pañdrah august hai

    rakkho na sirf ḳhanda-e-gul haiñ nigāh meñ

    kāñToñ ko bhī hañsāo ki pañdrah august hai

    rūheñ amān-o-amn pyāsī haiñ aaj bhī

    pyaas in ab bujhāo ki pañdrah august hai

    sham.a ḳhulūs-o-uns maddham hai raushnī

    lau aur kuchh baḌhāo ki pañdrah august hai

    ye ahd tum karo ki fasādāt phir na hoñ

    haañ aag ye bujhāo ki pañdrah august hai

    khaao qasam ki ḳhuun pilā.eñge mulk ko

    dil se qasam ye khaao ki pañdrah august hai

    har hādse meñ ahl-e-vatan musta.id raheñ

    vo valvala jagāo ki pañdrah august hai

    ūñchā rahe sharāfat-o-aḳhlāq alam

    parcham buland uThāo ki pañdrah august hai

    ho dard-e-dil meñ jazba-e-hubb-e-vatan fuzūñ

    'maftūñ' qalam uThāo ki pañdrah august hai

    KHushiyon ke git gao ki pandrah august hai

    sab mil ke muskurao ki pandrah august hai

    har samt qahqahe hain charaghan hai har taraf

    tum KHud bhi jagmagao ki pandrah august hai

    har gosha-e-watan ko nikhaaro sanwar do

    mahkao lahlahao ki pandrah august hai

    aazadi-e-watan pe hue hain kai nisar

    KHatir mein in ko lao ki pandrah august hai

    rakkho na sirf KHanda-e-gul hain nigah mein

    kanTon ko bhi hansao ki pandrah august hai

    ruhen aman-o-amn ki pyasi hain aaj bhi

    pyas in ki ab bujhao ki pandrah august hai

    shama KHulus-o-uns ki maddham hai raushni

    lau aur kuchh baDhao ki pandrah august hai

    ye ahd tum karo ki fasadat phir na hon

    han aag ye bujhao ki pandrah august hai

    khao qasam ki KHun pilaenge mulk ko

    dil se qasam ye khao ki pandrah august hai

    har hadse mein ahl-e-watan mustaid rahen

    wo walwala jagao ki pandrah august hai

    uncha rahe sharafat-o-aKHlaq ka alam

    parcham buland uThao ki pandrah august hai

    ho dard-e-dil mein jazba-e-hubb-e-watan fuzun

    'maftun' qalam uThao ki pandrah august hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now