pandrah august

Nazeer Banarasi

pandrah august

Nazeer Banarasi

MORE BYNazeer Banarasi

    ghaTā hai ghanghor raat kaalī fazā meñ bijlī chamak rahī hai

    milan siina ubhār par hai birah chhātī dhaḌak rahī hai

    havā jo mastī meñ chuur ho kar qadam qadam par bahak rahī hai

    kamar hai har shāḳh-e-gul nāzuk Thahar Thahar kar lachak rahī hai

    havā pe chaltā hai hukm in ghaTā.eñ bhartī haiñ in paanī

    inhīñ se surḳhī bahār hai inhīñ se barsāt kahānī

    inhīñ se chashme inhīñ se jharne inhīñ se jharnoñ naġhma-ḳhvānī

    inhīñ se parbat inhīñ se dariyā inhīñ se dariyāoñ ravānī

    fareb de kar chalī na jaa.eñ baḌī dhueñ-dhār haiñ ghaTā.eñ

    jab aa ga.ī haiñ to jam ke barse baġhair barse na lauT jaa.eñ

    mile nayā sab ko ek jīvan chaman khileñ khet lahlahā.eñ

    havā mohabbat raag alāpe kisān dhartī ke giit gaa.eñ

    yahāñ pe hai sab ek darja koī bhī chhoTā baḌā nahīñ hai

    jahāñ pe ho imtiyāz is vo mai-kada mai-kada nahīñ hai

    nikal zarā ghar se ġham ke maare urūs-e-fitrat ke kar nazāre

    sazā samajh kar na kaaT pyāre ye zindagī hai sazā nahīñ hai

    kiyā hai jis jis ne duur añdherā use use raushnī meñ laao

    jahāñ jahāñ dafn hai ujālā vahāñ vahāñ par diye jalāo

    qasam hai āzādī-e-vatan adāvat aapas bhuul jaao

    kiyā ho jis ne gilā tumhārā use bhī baḌh kar gale lagāo

    qadam jo aage baḌhā.e sab zabāñ se doharāo vo kahānī

    'nazīr' pañdrah august se lo na.e irāde na.ī javānī

    havā se kah do ki saaz chheḌe amar shahīdoñ ke bāñkpan

    sunāo yaaro vatan ke naġhme ye din hai āzādī-e-vatan

    ghaTa hai ghanghor raat kali faza mein bijli chamak rahi hai

    milan ka sina ubhaar par hai birah ki chhati dhaDak rahi hai

    hawa jo masti mein chur ho kar qadam qadam par bahak rahi hai

    kamar hai har shaKH-e-gul ki nazuk Thahar Thahar kar lachak rahi hai

    hawa pe chalta hai hukm in ka ghaTaen bharti hain in ka pani

    inhin se surKHi bahaar ki hai inhin se barsat ki kahani

    inhin se chashme inhin se jharne inhin se jharnon ki naghma-KHwani

    inhin se parbat inhin se dariya inhin se dariyaon ki rawani

    fareb de kar chali na jaen baDi dhuen-dhaar hain ghaTaen

    jab aa gai hain to jam ke barse baghair barse na lauT jaen

    mile naya sab ko ek jiwan chaman khilen khet lahlahaen

    hawa mohabbat ka rag alape kisan dharti ke git gaen

    yahan pe hai sab ka ek darja koi bhi chhoTa baDa nahin hai

    jahan pe ho imtiyaz is ka wo mai-kada mai-kada nahin hai

    nikal zara ghar se gham ke mare urus-e-fitrat ke kar nazare

    saza samajh kar na kaT pyare ye zindagi hai saza nahin hai

    kiya hai jis jis ne dur andhera use use raushni mein lao

    jahan jahan dafn hai ujala wahan wahan par diye jalao

    qasam hai aazadi-e-watan ki adawat aapas ki bhul jao

    kiya ho jis ne gila tumhaara use bhi baDh kar gale lagao

    qadam jo aage baDhae sab ki zaban se doharao wo kahani

    'nazir' pandrah august se lo nae irade nai jawani

    hawa se kah do ki saz chheDe amar shahidon ke bankpan ka

    sunao yaro watan ke naghme ye din hai aazadi-e-watan ka

    Source :
    • Book : Kulliyat-e-Nazeer Banarasi (Pg. 327)
    • Author : Nazeer Banarsi
    • Publication : Educational Publishing House (2014)
    • Edition : 2014

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY