Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pandrah august

Javed Akhtar

pandrah august

Javed Akhtar

MORE BYJaved Akhtar

    Interesting Fact

    The nazm was recited on August 15, 2007 at the very place in the Parliament from where Mr. Jawahar Lal Nehru declared India's independence from the British Empire on 15 August 1947.

    yahī jagah thī yahī din thā aur yahī lamhāt

    saroñ pe chhā.ī thī sadiyoñ se ik jo kaalī raat

    isī jagah isī din to milī thī us ko maat

    isī jagah isī din to huā thā ye elaan

    añdhere haar ga.e zindābād hindostān

    yahīñ to ham ne kahā thā ye kar dikhānā hai

    jo zaḳhm tan pe hai bhārat ke us ko bharnā hai

    jo daaġh māthe pe bhārat ke hai miTānā hai

    yahīñ to khaa.ī thī ham sab ne ye qasam us din

    yahīñ se nikle the apne safar pe ham us din

    yahīñ thā guuñj uThā vande-mātram us din

    hai jur.atoñ safar vaqt hai rāhguzar

    nazar ke sāmne hai saaTh miil patthar

    koī jo pūchhe kiyā kyā hai kuchh kiyā hai agar

    to us se kah do ki vo aa.e dekh le aa kar

    lagāyā ham ne thā jamhūriyat jo paudhā

    vo aaj ek ghanerā ūñchā bargad hai

    aur us ke saa.e meñ kyā badlā kitnā badlā hai

    kab intihā hai koī is kab koī had hai

    chamak dikhāte haiñ zarre ab āsmānoñ ko

    zabān mil ga.ī hai saare be-zabānoñ ko

    jo zulm sahte the vo ab hisāb māñgte haiñ

    savāl karte haiñ aur phir javāb māñgte haiñ

    ye kal baat hai sadiyoñ purānī baat nahīñ

    ki kal talak thā yahāñ kuchh bhī apne haath nahīñ

    videshī raaj ne sab kuchh nichoḌ Daalā thā

    hamāre desh har karghā toḌ Daalā thā

    jo mulk suuī ḳhātir thā auroñ muhtāj

    hazāroñ chīzeñ vo duniyā ko de rahā hai aaj

    nayā zamāna liye ik umañg aayā hai

    karoḌoñ logoñ ke chehre pe rañg aayā hai

    ye sab kisī ke karam se na hai ināyat se

    yahāñ tak aayā hai bhārat ḳhud apnī mehnat se

    jo kāmyābī hai us ḳhushī to puurī hai

    magar ye yaad bhī rakhnā bahut zarūrī hai

    ki dāstān hamārī abhī adhūrī hai

    bahut huā hai magar phir bhī ye kamī to hai

    bahut se hoñThoñ pe muskān aa ga.ī lekin

    bahut āñkheñ hai jin meñ abhī namī to hai

    yahī jagah thī yahī din thā aur yahī lamhāt

    yahīñ to dekhā thā ik ḳhvāb sochī thī ik baat

    musāfiroñ ke diloñ meñ ḳhayāl aatā hai

    har ik zamīr ke aage savāl aatā hai

    vo baat yaad hai ab tak hameñ ki bhuul ga.e

    vo ḳhvāb ab bhī salāmat hai fuzūl ga.e

    chale the dil meñ liye jo irāde puure hue

    ye kaun hai ki jo yādoñ meñ charḳhā kat.tā hai

    ye kaun hai jo hameñ aaj bhī batātā hai

    hai va.ada ḳhud se nibhānā hameñ agar apnā

    to kārvāñ nahīñ ruk paa.e bhuul kar apnā

    hai thoḌī duur abhī sapnoñ nagar apnā

    musāfiro abhī baaqī hai kuchh safar apnā

    yahi jagah thi yahi din tha aur yahi lamhat

    saron pe chhai thi sadiyon se ek jo kali raat

    isi jagah isi din to mili thi us ko mat

    isi jagah isi din to hua tha ye elan

    andhere haar gae zindabaad hindostan

    yahin to hum ne kaha tha ye kar dikhana hai

    jo zaKHm tan pe hai bhaarat ke us ko bharna hai

    jo dagh mathe pe bhaarat ke hai miTana hai

    yahin to khai thi hum sab ne ye qasam us din

    yahin se nikle the apne safar pe hum us din

    yahin tha gunj uTha wande-matram us din

    hai juraton ka safar waqt ki hai rahguzar

    nazar ke samne hai saTh mil ka patthar

    koi jo puchhe kiya kya hai kuchh kiya hai agar

    to us se kah do ki wo aae dekh le aa kar

    lagaya hum ne tha jamhuriyat ka jo paudha

    wo aaj ek ghanera sa uncha bargad hai

    aur us ke sae mein kya badla kitna badla hai

    kab intiha hai koi is ki kab koi had hai

    chamak dikhate hain zarre ab aasmanon ko

    zaban mil gai hai sare be-zabanon ko

    jo zulm sahte the wo ab hisab mangte hain

    sawal karte hain aur phir jawab mangte hain

    ye kal ki baat hai sadiyon purani baat nahin

    ki kal talak tha yahan kuchh bhi apne hath nahin

    wideshi raj ne sab kuchh nichoD Dala tha

    hamare desh ka har kargha toD Dala tha

    jo mulk sui ki KHatir tha auron ka muhtaj

    hazaron chizen wo duniya ko de raha hai aaj

    naya zamana liye ek umang aaya hai

    karoDon logon ke chehre pe rang aaya hai

    ye sab kisi ke karam se na hai inayat se

    yahan tak aaya hai bhaarat KHud apni mehnat se

    jo kaamyabi hai us ki KHushi to puri hai

    magar ye yaad bhi rakhna bahut zaruri hai

    ki dastan hamari abhi adhuri hai

    bahut hua hai magar phir bhi ye kami to hai

    bahut se honThon pe muskan aa gai lekin

    bahut si aankhen hai jin mein abhi nami to hai

    yahi jagah thi yahi din tha aur yahi lamhat

    yahin to dekha tha ek KHwab sochi thi ek baat

    musafiron ke dilon mein KHayal aata hai

    har ek zamir ke aage sawal aata hai

    wo baat yaad hai ab tak hamein ki bhul gae

    wo KHwab ab bhi salamat hai ya fuzul gae

    chale the dil mein liye jo irade pure hue

    ye kaun hai ki jo yaadon mein charKHa katta hai

    ye kaun hai jo hamein aaj bhi batata hai

    hai wada KHud se nibhana hamein agar apna

    to karwan nahin ruk pae bhul kar apna

    hai thoDi dur abhi sapnon ka nagar apna

    musafiro abhi baqi hai kuchh safar apna

    Source :
    • Book : Lava (Pg. 131)

    Tagged Under

    This content features in following collection(s)

    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now