parastar

Javed Akhtar

parastar

Javed Akhtar

MORE BY Javed Akhtar

    vo jo kahlātā thā dīvāna tirā

    vo jise hifz thā afsāna tirā

    jis dīvāroñ pe āvezāñ thiiñ

    tasvīreñ tirī

    vo jo dohrātā thā

    taqrīreñ tirī

    vo jo ḳhush thā tirī ḳhushiyoñ se

    tire ġham se udaas

    duur rah ke jo samajhtā thā

    vo hai tere paas

    vo jise sajda tujhe karne se

    inkār na thā

    us ko dar-asl kabhī tujh se

    koī pyaar na thā

    us mushkil thī

    ki dushvār the us ke raste

    jin pe be-ḳhauf-o-ḳhatar

    ghūmte rahzan the

    sadā us anā ke dar pe

    us ne ghabrā ke

    sab apnī anā daulat

    terī tahvīl meñ rakhvā thī

    apnī zillat ko vo duniyā nazar

    aur apnī bhī nigāhoñ se chhupāne ke liye

    kāmyābī ko tirī

    tirī futūhāt

    tirī izzat ko

    vo tire naam tirī shohrat ko

    apne hone sabab jāntā thā

    hai vajūd us judā tujh se

    ye kab māntā thā

    vo magar

    pur-ḳhatar rāstoñ se aaj nikal aayā hai

    vaqt ne tere barābar na sahī

    kuchh na kuchh apnā karam us pe bhī farmāyā hai

    ab use terī zarūrat nahīñ

    jis da.avā thā kabhī

    ab vo aqīdat nahīñ

    terī tahvīl meñ jo rakkhī thī kal

    us ne anā

    aaj vo maañg rahā hai vāpas

    baat itnī hai

    ai sāhib-e-nām-o-shohrat

    jis ko kal

    tere ḳhudā hone se inkār na thā

    vo kabhī terā parastār na thā

    wo jo kahlata tha diwana tera

    wo jise hifz tha afsana tera

    jis ki diwaron pe aawezan thin

    taswiren teri

    wo jo dohraata tha

    taqriren teri

    wo jo KHush tha teri KHushiyon se

    tere gham se udas

    dur rah ke jo samajhta tha

    wo hai tere pas

    wo jise sajda tujhe karne se

    inkar na tha

    us ko dar-asl kabhi tujh se

    koi pyar na tha

    us ki mushkil thi

    ki dushwar the us ke raste

    jin pe be-KHauf-o-KHatar

    ghumte rahzan the

    sada us ki ana ke dar pe

    us ne ghabra ke

    sab apni ana ki daulat

    teri tahwil mein rakhwa di thi

    apni zillat ko wo duniya ki nazar

    aur apni bhi nigahon se chhupane ke liye

    kaamyabi ko teri

    teri futuhat

    teri izzat ko

    wo tere nam teri shohrat ko

    apne hone ka sabab jaanta tha

    hai wajud us ka juda tujh se

    ye kab manta tha

    wo magar

    pur-KHatar raston se aaj nikal aaya hai

    waqt ne tere barabar na sahi

    kuchh na kuchh apna karam us pe bhi farmaya hai

    ab use teri zarurat hi nahin

    jis ka dawa tha kabhi

    ab wo aqidat hi nahin

    teri tahwil mein jo rakkhi thi kal

    us ne ana

    aaj wo mang raha hai wapas

    baat itni si hai

    ai sahib-e-nam-o-shohrat

    jis ko kal

    tere KHuda hone se inkar na tha

    wo kabhi tera parastar na tha

    Source:

    • Book: LAVA (Pg. 55)
    • Author: Javed Akhtar
    • Publication: Rajkamal Parakashan Pvt. Ltd (2012)
    • Edition: 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites