parwin-shakir

Ali Sardar Jafri

parwin-shakir

Ali Sardar Jafri

MORE BY Ali Sardar Jafri

    bahār-e-husn javāñ-marg sūrat-e-gul-e-tar

    misāl-e-ḳhār magar umr-e-dard-e-ishq darāz

    vo vidyāpatī shā.irī

    māsūm-o-hasīn-o-shoḳh rādhā

    vo apne ḳhayāl kanhaiyā

    in shahroñ meñ DhūñDne ga.ī thī

    dastūr thā jin sañg-bārī

    vo 'faiz'-o-'firāq' ziyāda

    taqdīs-e-badan naġhma-ḳhvāñ thī

    tahzīb-e-badan rāz-dāñ thī

    gulnār badan tahniyat meñ

    gulnār laboñ se gul-fishāñ thī

    lab-āshnā lab ġhazal ke misre

    jism-āshnā jism nazm-paikar

    lafzoñ hatheliyāñ hinā.ī

    tashbīhoñ uñgliyāñ gulābī

    sarsabz ḳhayāl gulistāñ

    mub.ham se kuchh āñsuoñ ke chashme

    aahoñ vo halkī havā.eñ

    sad-barg havā meñ muntashir the

    titlī thī ki raqs kar rahī thī

    aur dard ke bādaloñ se chhan kar

    naġhmoñ phuvāre paḌ rahī thī

    pur-shor munāfiqat ke bāzār

    afvāheñ faroḳht kar rahe the

    vo apnī shikasta shaḳhsiyat ko

    ash.ār chādaroñ ke andar

    is tarah sameTne lagī thī

    ehsās meñ aa rahī thī vus.at

    nazroñ ufuq badal rahā thā

    aur dard-e-jahān-e-ādamiyat

    TuuTe hue dil meñ Dhal rahā thā

    is ālam-e-kaif-o-kam meñ ik din

    ik hādse shikār ho kar

    jab ḳhuuñ kafan pahan liyā to

    uḌtīñ salībeñ nauha-ḳhvāñ thiiñ

    ḳhāmosh thā karb-e-ḳhud-kalāmī

    ab kuchh nahīñ rah gayā hai baaqī

    baaqī hai suḳhan dil-navāzī

    2

    jannat meñ hai jashn-e-nau sāmāñ

    mahfil meñ 'majāz'-o-'bā.iran' haiñ

    maujūd haiñ 'keats' aur 'shailī'

    ye marg-e-javāñ ke saare āshiq

    ḳhush haiñ ki zamīn-e-pāk se ik

    nau-marg-e-bahār aa ga.ī hai

    lipTī huī ḳhaak hai ḳhushbū

    aur sāya-fagan sahāb-e-rahmat

    bahaar-e-husn jawan-marg surat-e-gul-e-tar

    misal-e-KHar magar umr-e-dard-e-ishq daraaz

    wo widyapati ki shairi ki

    masum-o-hasin-o-shoKH radha

    wo apne KHayal ka kanhaiya

    in shahron mein DhunDne gai thi

    dastur tha jin ka sang-bari

    wo 'faiz'-o-'firaq' ziyaada

    taqdis-e-badan ki naghma-KHwan thi

    tahzib-e-badan ki raaz-dan thi

    gulnar badan ki tahniyat mein

    gulnar labon se gul-fishan thi

    lab-ashna lab ghazal ke misre

    jism-ashna jism nazm-paikar

    lafzon ki hatheliyan hinai

    tashbihon ki ungliyan gulabi

    sarsabz KHayal ka gulistan

    mubham se kuchh aansuon ke chashme

    aahon ki wo halki si hawaen

    sad-barg hawa mein muntashir the

    titli thi ki raqs kar rahi thi

    aur dard ke baadalon se chhan kar

    naghmon ki phuware paD rahi thi

    pur-shor munafiqat ke bazar

    afwahen faroKHt kar rahe the

    wo apni shikasta shaKHsiyat ko

    ashaar ki chadaron ke andar

    is tarah sameTne lagi thi

    ehsas mein aa rahi thi wusat

    nazron ka ufuq badal raha tha

    aur dard-e-jahan-e-adamiyat

    TuTe hue dil mein Dhal raha tha

    is aalam-e-kaif-o-kam mein ek din

    ek hadse ka shikar ho kar

    jab KHun ka kafan pahan liya to

    uDtin saliben nauha-KHwan thin

    KHamosh tha karb-e-KHud-kalami

    ab kuchh nahin rah gaya hai baqi

    baqi hai suKHan ki dil-nawazi

    2

    jannat mein hai jashn-e-nau ka saman

    mahfil mein 'majaz'-o-'bairan' hain

    maujud hain 'keats' aur 'shaili'

    ye marg-e-jawan ke sare aashiq

    KHush hain ki zamin-e-pak se ek

    nau-marg-e-bahaar aa gai hai

    lipTi hui KHak ki hai KHushbu

    aur saya-fagan sahab-e-rahmat

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY