paspai

mujh ko bhī ġhussa aatā hai

jab koī cycle vaalā

agle pahiye se

kīchaḌ kī ik chhāp merī patlūn pe de detā hai

jab koī motor vaalā

mere muñh par

muḌ ke ke gaDDhoñ ke gande paanī ke chhīñTe de detā hai

jab koī khule hue chhāte kī kamā.ī se sar meñ Thokā detā hai

jab fōtpath pe

mere muqābil chalne vaalā

ūñche mahloñ ke takte takte mujh ko dhakkā detā hai

mujh ko bhī ġhussa aatā hai

lekin maiñ to

sūkhe baazū

ubhrī paslī

pichke gaal aur ḳhālī jebeñ

dekh ke apnī

chup rahtā huuñ

aur mere uupar vaale nokīle daañt bichhar jaate haiñ

hoñToñ se bāhar aate haiñ

nichle hoñT se pahuñch jaate haiñ

merā saarā ġhussa nichle hoñT ke ḳhuuñ meñ tharrātā hai

mujh ko bhi ghussa aata hai

jab koi cycle wala

agle pahiye se

kichaD ki ek chhap meri patlun pe de deta hai

jab koi motor wala

mere munh par

muD ke ke gaDDhon ke gande pani ke chhinTe de deta hai

jab koi khule hue chhate ki kamai se sar mein Thoka deta hai

jab footpath pe

mere muqabil chalne wala

unche mahlon ke takte takte mujh ko dhakka deta hai

mujh ko bhi ghussa aata hai

lekin main to

sukhe bazu

ubhri pasli

pichke gal aur KHali jeben

dekh ke apni

chup rahta hun

aur mere upar wale nokile dant bichhar jate hain

honTon se bahar aate hain

nichle honT se pahunch jate hain

mera sara ghussa nichle honT ke KHun mein tharraata hai