Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pat-jhaD

MORE BYObaidur Rahman Azmi

    ye raqs-e-āfrīnash hai ki shor-e-marg hai ai dil

    havā kuchh is tarah peḌoñ se mil mil kar guzartī hai

    ki jaise āḳhirī bosa ho ye pahlī mohabbat bhī

    har ik marg-ārā hai adam-añgezī-e-fitrat

    magar shāyad nigāhoñ meñ abhī kuchh zauq baaqī hai

    ki maiñ is karb meñ bhī kaif paatā huuñ

    jahāñ tak dekh paatā huuñ zamīñ par tābish-e-zar hai

    fazā-e-nīl-gūñ meñ barg-afshānī se manzar hai

    maiñ in rañgīniyoñ meñ Duub jaatā huuñ

    mujhe har husn goyā ek dars-e-shādmānī hai

    ki is takmīl meñ vo dilkashī hai vo javānī hai

    ki phir barbādī-e-bād-e-ḳhizāñ ġham nahīñ rahtā

    mirī tārīk fitrat meñ bhī ik taqdīs sho.ala

    kisī kaif-e-darūñ se phuuT jaatā hai

    koī ik qabr par jaise diyā rakh de

    ye ā.īn-e-gul-afrozī bhī kitnā rūh-parvar hai

    harīrī koñpaloñ se zardgūñ patjhaḌ ke pattoñ tak

    mujhe ik irtiqā-e-husn miltā hai

    magar daur-e-zamāñ se aah maiñ pāmāl-o-afsurda

    kahīñ baiThā huā guzre dinoñ ko yaad kartā huuñ

    abhī parchhā.iyāñ kuchh ahd-e-rafta

    mirī āñkhoñ meñ haiñ larzāñ

    mirī tasvīr bachpan

    abhī tak gosha-e-dīvār meñ hai vo bhī āvezāñ

    maiñ pahroñ dekhtā rahtā huuñ is tasvīr ko lekin

    yaqīñ mujh ko nahīñ aatā ki ye merā partav hai

    har ik shai ajnabī ġhair mahsūs hotī hai

    na koī iztirāb-e-dil na koī kāhish-e-darmāñ

    na zer-e-lab bhī koī talḳhi-e-aiyyām shikva

    na un yaad jo ab zikr bhī merā nahīñ karte

    jo shāyad ab mujhe taqvīm-e-pārīna samajhte haiñ

    maiñ Dartā huuñ ki is duniyā meñ koī bhī nahīñ merā

    jo chāhūñ bhī to kis ko dāstān-e-ġham sunā.ūñgā

    vo rañj-e-tah-nashīñ hai jo bayāñ ho nahīñ saktā

    vo bād-e-sard be-mehr tezī hai

    ki ḳhūn-e-dil bhī ab kuchh munjamid ma.alūm hotā hai

    na vo shorīdgī baaqī na ab vo shor-e-girya hai

    mire dāġh-e-jigar se vo tarāvish bhī nahīñ hotī

    mirī ra.anā.iyāñ mujh se gurezāñ haiñ

    vo merī fitrat-e-ma.asūm vo merī jigar-sozī

    vo merī dard-mandī vo ḳhamoshī vo kam-āmezī

    vo ashkoñ dil-āvezī

    har ik shai mā.il-e-parvāz ho jaise

    mujhe is bahut ġham hai

    abhī tak is zavāl-e-dilbarī dil ko mātam hai

    maiñ hairāñ huuñ ki kyā yazdāñ bhī koī tifl-e-maktab hai

    ki jo yuuñ khel kar par noch letā hai patañgoñ ke

    vo kaisī sūrateñ hoñgī jo zer-e-ḳhāk pinhāñ haiñ

    magar vo log jo miTne se pahle maañd paḌ jaa.eñ

    vo jin guftugū bhī ek sargoshī ban jaa.e

    vo afsurda pashemāñ muzmahil māyūs aa.e jo

    farāmoshī manzil taraf chupke se baḌhte haiñ

    bhalā un talāfī va.ada-e-rañgīñ se kyā hogī

    ḳhudā-e-do-jahāñ hai bhī kitnā shoḳh-o-be-parvā

    bahut maiñ ne bhī haiñ dīda-e-pur-ḳhūñ tafsīreñ

    magar ye dāman-e-tar kyā karūñ gulshan nahīñ bantā

    yahī vo sarzamīñ vo intihā-e-fikr-e-yazdāñ hai

    ki jis meñ ḳhāk-o-ḳhūñ har ghaḌī ik khel hotā hai

    magar phir bhī vahī be-rañgī-e-timsāl-e-ālam hai

    kahāñ vo manzil-e-jāñ hai kahāñ hai ḳhātma āḳhir

    ye mumkin hai na koī ḳhātma is rah-guzar ho

    maiñ ḳhair-o-shar ke farsūda tasavvur meñ abhī gum huuñ

    nahīñ ma.alūm koī muntahā-e-zindagī bhī hai

    ki juz ik nāla-e-gardish nahīñ sarmāya-e-ālam

    kahīñ vo bāġh-e-rizvāñ bhī na ik husn-e-tabī.at ho

    jise gardūñ samajhtā huuñ vo ik mauhūm vus.at ho

    nahīñ maiñ mahram-e-rāz-e-darūñ-mai-kada lekin

    yahī mahsūs hotā hai ki har shai kuchh digar-gūñ hai

    dil-e-fitrat meñ hai shāyad tamannā-e-jahān-e-nau

    magar jaise urūs-e-zindagī kahtī ho hañs hañs kar

    ki aalam ik bahār-e-surḳhī-e-ḳhūn-e-shahīdāñ hai

    ye mahr-o-māh o parvīñ ye zamīñ ye lāla-o-nasrīñ

    ye fānūs-e-ḳhālī laḌkhaḌā kar TuuT jā.egā

    ye duniyā ḳhvāb jhūTī kahānī hai

    maiñ is rañgīnī-e-aurāq se dil-shād kyā hūñgā

    mire dil meñ nahīñ ab ārzū-e-ḳhuld bhī baaqī

    mujhe ye raushnī ye āsmāñ be-karāñ vus.at

    koī dars-e-tamāshā ab nahīñ detī

    mire hue safed-o-sīm aah ye manzar

    fareb-e-dīd hai merā kafan hogā

    mirī is ḳhaak meñ ab garmī-e-ta.amīr kyā hogī

    vo duniyā miT chukī ab is ke miTne nahīñ kuchh ġham

    ye marg-e-nā-gahāñ apnā nasība thā

    magar ik tiir jaise aaj bhī paivast ho dil meñ

    ki vo ra.anā.ī-e-ā.īn-e-barg-e-gul nahīñ mujh meñ

    mirī shām-e-ḳhizāñ kyuuñ itnī vīrāñ hai?

    ye raqs-e-afrinash hai ki shor-e-marg hai ai dil

    hawa kuchh is tarah peDon se mil mil kar guzarti hai

    ki jaise aaKHiri bosa ho ye pahli mohabbat bhi

    har ek su marg-ara hai adam-angezi-e-fitrat

    magar shayad nigahon mein abhi kuchh zauq baqi hai

    ki main is karb mein bhi kaif pata hun

    jahan tak dekh pata hun zamin par tabish-e-zar hai

    faza-e-nil-gun mein barg-afshani se manzar hai

    main in ranginiyon mein Dub jata hun

    mujhe har husn goya ek dars-e-shadmani hai

    ki is takmil mein wo dilkashi hai wo jawani hai

    ki phir barbaadi-e-baad-e-KHizan ka gham nahin rahta

    meri tarik fitrat mein bhi ek taqdis ka shoala

    kisi kaif-e-darun se phuT jata hai

    koi ek qabr par jaise diya rakh de

    ye aain-e-gul-afrozi bhi kitna ruh-parwar hai

    hariri konpalon se zardgun patjhaD ke patton tak

    mujhe ek irtiqa-e-husn milta hai

    magar daur-e-zaman se aah main pamal-o-afsurda

    kahin baiTha hua guzre dinon ko yaad karta hun

    abhi parchhaiyan kuchh ahd-e-rafta ki

    meri aankhon mein hain larzan

    meri taswir bachpan ki

    abhi tak gosha-e-diwar mein hai wo bhi aawezan

    main pahron dekhta rahta hun is taswir ko lekin

    yaqin mujh ko nahin aata ki ye mera hi partaw hai

    har ek shai ajnabi si ghair si mahsus hoti hai

    na koi iztirab-e-dil na koi kahish-e-darman

    na zer-e-lab bhi koi talKHi-e-aiyyam ka shikwa

    na un ki yaad jo ab zikr bhi mera nahin karte

    jo shayad ab mujhe taqwim-e-parina samajhte hain

    main Darta hun ki is duniya mein koi bhi nahin mera

    jo chahun bhi to kis ko dastan-e-gham sunaunga

    wo ranj-e-tah-nashin hai jo bayan ho hi nahin sakta

    wo baad-e-sard ki be-mehr tezi hai

    ki KHun-e-dil bhi ab kuchh munjamid malum hota hai

    na wo shoridgi baqi na ab wo shor-e-girya hai

    mere dagh-e-jigar se wo tarawish bhi nahin hoti

    meri ranaiyan mujh se gurezan hain

    wo meri fitrat-e-masum wo meri jigar-sozi

    wo meri dard-mandi wo KHamoshi wo kam-amezi

    wo ashkon ki dil-awezi

    har ek shai mail-e-parwaz ho jaise

    mujhe is ka bahut gham hai

    abhi tak is zawal-e-dilbari ka dil ko matam hai

    main hairan hun ki kya yazdan bhi koi tifl-e-maktab hai

    ki jo yun khel kar par noch leta hai patangon ke

    wo kaisi suraten hongi jo zer-e-KHak pinhan hain

    magar wo log jo miTne se pahle mand paD jaen

    wo jin ki guftugu bhi ek sargoshi si ban jae

    wo afsurda pasheman muzmahil mayus aae jo

    faramoshi ki manzil ki taraf chupke se baDhte hain

    bhala un ki talafi wada-e-rangin se kya hogi

    KHuda-e-do-jahan hai tu bhi kitna shoKH-o-be-parwa

    bahut main ne bhi ki hain dida-e-pur-KHun ki tafsiren

    magar ye daman-e-tar kya karun gulshan nahin banta

    yahi wo sarzamin wo intiha-e-fikr-e-yazdan hai

    ki jis mein KHak-o-KHun ka har ghaDi ek khel hota hai

    magar phir bhi wahi be-rangi-e-timsal-e-alam hai

    kahan wo manzil-e-jaan hai kahan hai KHatma aaKHir

    ye mumkin hai na koi KHatma is rah-guzar ka ho

    main KHair-o-shar ke farsuda tasawwur mein abhi gum hun

    nahin malum koi muntaha-e-zindagi bhi hai

    ki juz ek nala-e-gardish nahin sarmaya-e-alam

    kahin wo bagh-e-rizwan bhi na ek husn-e-tabiat ho

    jise gardun samajhta hun wo ek mauhum wusat ho

    nahin main mahram-e-raaz-e-darun-mai-kada lekin

    yahi mahsus hota hai ki har shai kuchh digar-gun hai

    dil-e-fitrat mein hai shayad tamanna-e-jahan-e-nau

    magar jaise urus-e-zindagi kahti ho hans hans kar

    ki aalam ek bahaar-e-surKHi-e-KHun-e-shahidan hai

    ye mahr-o-mah o parwin ye zamin ye lala-o-nasrin

    ye fanus-e-KHali laDkhaDa kar TuT jaega

    ye duniya KHwab ki jhuTi kahani hai

    main is rangini-e-auraq se dil-shad kya hunga

    mere dil mein nahin ab aarzu-e-KHuld bhi baqi

    mujhe ye raushni ye aasman ki be-karan wusat

    koi dars-e-tamasha ab nahin deti

    mere hue safed-o-sim ka aah ye manzar

    fareb-e-did hai mera kafan hoga

    meri is KHak mein ab garmi-e-tamir kya hogi

    wo duniya miT chuki ab is ke miTne ka nahin kuchh gham

    ye marg-e-na-gahan apna nasiba tha

    magar ek tir jaise aaj bhi paiwast ho dil mein

    ki wo ranai-e-ain-e-barg-e-gul nahin mujh mein

    meri sham-e-KHizan kyun itni viran hai?

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now