phir sham hui

Ibn e Insha

phir sham hui

Ibn e Insha

MORE BY Ibn e Insha

    phailtā phailtā shām-e-ġham dhuāñ

    ik udāsī tantā huā sā.ebāñ

    ūñche ūñche mināroñ ke sar pe ravāñ

    dekh pahuñchā hai āḳhir kahāñ se kahāñ

    jhāñktā sūrat-e-ḳhail-e-āvārgāñ

    ġhurfa ġhurfa bahr kāḳh-o-kū shahr meñ

    daf.atan sail-e-zulmāt ko chīrtā

    jal uThā duur bastī pahlā diyā

    panchhiyoñ ne bhī pachchhim rasta liyā

    ḳhair jaao azīzo magar dekhnā

    ek jugnū bhī mish.al le ke chalā

    hai use bhī koī justujū shahr meñ?

    āsmāñ par ravāñ surma.ī bādalo

    haañ tumhīñ kyā uḌo aur ūñche uḌo

    bāġh-e-ālam ke taaza shagufta gulū

    be-niyāzāna mahkā karo ḳhush raho

    lekin itnā bhī sochā, kabhī zālimo!

    ham bhī haiñ āshiq-e-rañg-o-bū shahr meñ

    koī dekhe ye majbūriyāñ dūriyāñ

    ek shahr meñ ham kahāñ tum kahāñ

    dostoñ ne bhī chhoḌī haiñ dil-dāriyāñ

    aaj vaqf-e-ġham-e-ulfat-e-rā.egāñ

    ham jo phirte haiñ vahshat-zada sargirāñ

    the kabhī sāhib-e-ābrū shahr meñ

    log tānoñ se kyā kyā jatāte nahīñ

    aise raahī to manzil ko paate nahīñ

    se ik dūsre ko bhulāte nahīñ

    sāmne bhī magar aate jaate nahīñ

    aur jaa.eñ to āñkheñ milāte nahīñ

    haa.e kyā kyā nahīñ guftugū shahr meñ

    chāñd niklā hai dāġhoñ mish.al liye

    duur girjā ke mīnāroñ oT se

    aa mirī jaan aa ek se do bhale

    aaj phere kareñ kūcha-e-yār ke

    aur hai kaun dard-āshnā bāvare!

    ek maiñ shahr meñ, ek shahr meñ

    phailta phailta sham-e-gham ka dhuan

    ek udasi ka tanta hua saeban

    unche unche minaron ke sar pe rawan

    dekh pahuncha hai aaKHir kahan se kahan

    jhankta surat-e-KHail-e-awargan

    ghurfa ghurfa bahr kaKH-o-ku shahr mein

    dafatan sail-e-zulmat ko chirta

    jal uTha dur basti ka pahla diya

    panchhiyon ne bhi pachchhim ka rasta liya

    KHair jao azizo magar dekhna

    ek jugnu bhi mishal si le ke chala

    hai use bhi koi justuju shahr mein?

    aasman par rawan surmai baadalo

    han tumhin kya uDo aur unche uDo

    bagh-e-alam ke taza shagufta gulu

    be-niyazana mahka karo KHush raho

    lekin itna bhi socha, kabhi zalimo!

    hum bhi hain aashiq-e-rang-o-bu shahr mein

    koi dekhe ye majburiyan duriyan

    ek hi shahr mein hum kahan tum kahan

    doston ne bhi chhoDi hain dil-dariyan

    aaj waqf-e-gham-e-ulfat-e-raegan

    hum jo phirte hain wahshat-zada sargiran

    the kabhi sahib-e-abru shahr mein

    log tanon se kya kya jatate nahin

    aise rahi to manzil ko pate nahin

    ji se ek dusre ko bhulate nahin

    samne bhi magar aate jate nahin

    aur jaen to aankhen milate nahin

    hae kya kya nahin guftugu shahr mein

    chand nikla hai daghon ki mishal liye

    dur girja ke minaron ki oT se

    aa meri jaan aa ek se do bhale

    aaj phere karen kucha-e-yar ke

    aur hai kaun dard-ashna baware!

    ek main shahr mein, ek tu shahr mein

    Source:

    • Book : Is Basti ke ik Kooche Men (Pg. 52)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY