phirki

aao aao phirkī banā.eñ

aur havā meñ ḳhuub nachā.eñ

aao chaleñ aur kāġhaz laa.eñ

niilā piilā kāġhaz laa.eñ

laalū piilā kāġhaz laa.e

kaalū niilā kāġhaz laa.e

laalū jā kar qaiñchī laa.e

kaalū jā kar le.ī laa.e

laalū ne phir kāġhaz kaaTe

āḌe-tirchhe TeḌhe bāñke

phir in sab TukḌoñ ko moḌā

aur sab ko le.ī se joḌā

lo ab vo tayyār hai phirkī

piilī piilī niilī niilī

aisī phirkī banā.ī sab ne

phulvārī meñ phuul hoñ jaise

laalū ne lī piilī phirkī

kaalū ne lī niilī phirkī

ik bachchī thī piilī phirkī

vo aa kar raajū ne le lī

laalū bhī ḳhush kaalū bhī ḳhush

nanhe munne se raajū bhī ḳhush

aao aao phirki banaen

aur hawa mein KHub nachaen

aao chalen aur kaghaz laen

nila pila kaghaz laen

lalu pila kaghaz lae

kalu nila kaghaz lae

lalu ja kar qainchi lae

kalu ja kar lei lae

lalu ne phir kaghaz kaTe

aaDe-tirchhe TeDhe banke

phir in sab TukDon ko moDa

aur sab ko lei se joDa

lo ab wo tayyar hai phirki

pili pili nili nili

aisi phirki banai sab ne

phulwari mein phul hon jaise

lalu ne li pili phirki

kalu ne li nili phirki

ek bachchi thi pili phirki

wo aa kar raju ne le li

lalu bhi KHush kalu bhi KHush

nanhe munne se raju bhi KHush