phul khila be-hijab

dard kī sauġhāt thī

raah ke malbūs the kāñToñ ke haar

moḌ bahut aa.e haiñ

naam rakhā dasht-o-dar

aur isī dasht meñ

tū bhī thī ḳhāna-ḳharāb maiñ bhī ḳhāna-ḳharāb

Tal hī ga.ī sā.at-e-qaht-e-damishq

hosh sivā hai magar

hosh nahīñ aa.egā

jaise baham shabnam-o-gul hoñ yuuñ hī ḳhvāb-e-ishq

shabnam-e-ta.abīr se mauj-e-junūñ-ḳhez hai

chashm-e-fusūñ-sāz ne ek afsāna kahā

dil ne use sun liyā

lamha-e-jāved kī

ek hī tafsīr hai

qasr-e-zuleḳhā meñ aaj

yūsuf-e-kan.āñ kī pazīrā.ī hai

vasl kī be-tāb khaḌī aa.ī hai

hīla-e-parvez hai

dohā charāġh-e-sahar

Tal hī ga.ī sā.at-e-qaht-e-damishq

phuul khilā be-hijāb

jaag uThe dasht-o-dar

rañj meñ rāhat meñ bhī

ek hī mausam ko milā hai sabāt

shauq kī tanvīr se kaise farozāñ haiñ baam

maiñ ne likhī kā.enāt

dil ke asīroñ ke naam

dard ki saughat thi

rah ke malbus the kanTon ke haar

moD bahut aae hain

nam rakha dasht-o-dar

aur isi dasht mein

tu bhi thi KHana-KHarab main bhi KHana-KHarab

Tal hi gai saat-e-qaht-e-damishq

hosh siwa hai magar

hosh nahin aaega

jaise baham shabnam-o-gul hon yun hi KHwab-e-ishq

shabnam-e-tabir se mauj-e-junun-KHez hai

chashm-e-fusun-saz ne ek afsana kaha

dil ne use sun liya

lamha-e-jawed ki

ek hi tafsir hai

qasr-e-zuleKHa mein aaj

yusuf-e-kanan ki pazirai hai

wasl ki be-tab khaDi aai hai

hila-e-parwez hai

doha charagh-e-sahar

Tal hi gai saat-e-qaht-e-damishq

phul khila be-hijab

jag uThe dasht-o-dar

ranj mein rahat mein bhi

ek hi mausam ko mila hai sabaat

shauq ki tanwir se kaise farozan hain baam

main ne likhi kaenat

dil ke asiron ke nam