pin-kishan

mire pin-cushion meñ bahut sī pineñ haiñ

aur aksar पिनें is meñ aisī haiñ jo duur anjāne mulkoñ

se aa.e ḳhatoñ se nikālī ga.ī haiñ

ye us vaqt zāhir haqīqat kī sūrat mire pin-cushion

meñ lagī haiñ

agar pin-cushion kī har ik pin ye soche

ki maiñ to fulāñ desh kī huuñ

fulāñ desh ne merā lohā janā thā

fulāñ desh ne merī sūrat gaḌhī thī

to ye sochnā pin-cushion kī haqīqat ko ḳhatre meñ Daale na Daale

pinoñ ko yaqīnan jaḌoñ se hilā degā

aur phir ye saarī pineñ

be-sakat

be-jahat

be-hadaf

yūñhī rultī phireñgī

mere pin-cushion mein bahut si pinen hain

aur aksar पिनें is mein aisi hain jo dur anjaane mulkon

se aae KHaton se nikali gai hain

ye us waqt zahir haqiqat ki surat mere pin-cushion

mein lagi hain

agar pin-cushion ki har ek pin ye soche

ki main to fulan desh ki hun

fulan desh ne mera loha jana tha

fulan desh ne meri surat gaDhi thi

to ye sochna pin-cushion ki haqiqat ko KHatre mein Dale na Dale

pinon ko yaqinan jaDon se hila dega

aur phir ye sari pinen

be-sakat

be-jahat

be-hadaf

yunhi rulti phirengi