nisar main teri galiyon ke

Faiz Ahmad Faiz

nisar main teri galiyon ke

Faiz Ahmad Faiz

MORE BYFaiz Ahmad Faiz

    nisār maiñ tirī galiyoñ ke ai vatan ki jahāñ

    chalī hai rasm ki koī na sar uThā ke chale

    jo koī chāhne vaalā tavāf ko nikle

    nazar churā ke chale jism o jaañ bachā ke chale

    hai ahl-e-dil ke liye ab ye nazm-e-bast-o-kushād

    ki sañg-o-ḳhisht muqayyad haiñ aur sag āzād

    bahut hai zulm ke dast-e-bahāna-jū ke liye

    jo chand ahl-e-junūñ tere nām-levā haiñ

    bane haiñ ahl-e-havas mudda.ī bhī munsif bhī

    kise vakīl kareñ kis se munsifī chāheñ

    magar guzārne vāloñ ke din guzarte haiñ

    tire firāq meñ yuuñ sub.h o shaam karte haiñ

    bujhā jo rauzan-e-zindāñ to dil ye samjhā hai

    ki terī maañg sitāroñ se bhar ga.ī hogī

    chamak uThe haiñ salāsil to ham ne jaanā hai

    ki ab sahar tire ruḳh par bikhar ga.ī hogī

    ġharaz tasavvur-e-shām-o-sahar meñ jiite haiñ

    giraft-e-sāya-e-dīvār-o-dar meñ jiite haiñ

    yūñhī hamesha ulajhtī rahī hai zulm se ḳhalq

    na un rasm na.ī hai na apnī riit na.ī

    yūñhī hamesha khilā.e haiñ ham ne aag meñ phuul

    na un haar na.ī hai na apnī jiit na.ī

    isī sabab se falak gila nahīñ karte

    tire firāq meñ ham dil burā nahīñ karte

    gar aaj tujh se judā haiñ to kal baham hoñge

    ye raat bhar judā.ī to koī baat nahīñ

    gar aaj auj pe hai tāla-e-raqīb to kyā

    ye chaar din ḳhudā.ī to koī baat nahīñ

    jo tujh se ahd-e-vafā ustuvār rakhte haiñ

    ilāj-e-gardish-e-lail-o-nahār rakhte haiñ

    nisar main teri galiyon ke ai watan ki jahan

    chali hai rasm ki koi na sar uTha ke chale

    jo koi chahne wala tawaf ko nikle

    nazar chura ke chale jism o jaan bacha ke chale

    hai ahl-e-dil ke liye ab ye nazm-e-bast-o-kushad

    ki sang-o-KHisht muqayyad hain aur sag aazad

    bahut hai zulm ke dast-e-bahana-ju ke liye

    jo chand ahl-e-junun tere nam-lewa hain

    bane hain ahl-e-hawas muddai bhi munsif bhi

    kise wakil karen kis se munsifi chahen

    magar guzarne walon ke din guzarte hain

    tere firaq mein yun subh o sham karte hain

    bujha jo rauzan-e-zindan to dil ye samjha hai

    ki teri mang sitaron se bhar gai hogi

    chamak uThe hain salasil to hum ne jaana hai

    ki ab sahar tere ruKH par bikhar gai hogi

    gharaz tasawwur-e-sham-o-sahar mein jite hain

    giraft-e-saya-e-diwar-o-dar mein jite hain

    yunhi hamesha ulajhti rahi hai zulm se KHalq

    na un ki rasm nai hai na apni rit nai

    yunhi hamesha khilae hain hum ne aag mein phul

    na un ki haar nai hai na apni jit nai

    isi sabab se falak ka gila nahin karte

    tere firaq mein hum dil bura nahin karte

    gar aaj tujh se juda hain to kal baham honge

    ye raat bhar ki judai to koi baat nahin

    gar aaj auj pe hai tala-e-raqib to kya

    ye chaar din ki KHudai to koi baat nahin

    jo tujh se ahd-e-wafa ustuwar rakhte hain

    ilaj-e-gardish-e-lail-o-nahaar rakhte hain

    Videos
    This video is playing from YouTube

    Videos
    This video is playing from YouTube

    Zia Mohyeddin

    Zia Mohyeddin

    Faiz Ahmad Faiz

    Faiz Ahmad Faiz

    RECITATIONS

    Zia Mohyeddin

    Zia Mohyeddin,

    Faiz Ahmad Faiz

    Faiz Ahmad Faiz,

    Javed Naseem

    Javed Naseem,

    Zia Mohyeddin

    nisar main teri galiyon ke Zia Mohyeddin

    Faiz Ahmad Faiz

    nisar main teri galiyon ke Faiz Ahmad Faiz

    Javed Naseem

    Nisar mein teri galiyon ke - Faiz Ahmad Faiz Javed Naseem

    Source :
    • Book : Nuskha Hai Wafa (Pg. 161)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY