kisan

Kaifi Azmi

kisan

Kaifi Azmi

MORE BYKaifi Azmi

    chiir ke saal meñ do baar zamīñ siina

    dafn ho jaatā huuñ

    gudgudāte haiñ jo sūraj ke sunahre nāḳhun

    phir nikal aatā huuñ

    ab nikaltā huuñ to itnā ki baTore jo koī dāman meñ

    dāman phaT jaa.e

    ghar ke jis kone meñ le ke koī rakh de mujhe

    bhuuk vahāñ se haT jaa.e

    phir mujhe pīste haiñ, gūñdhte haiñ, señkte haiñ

    gūñdhne señkne meñ shakl badal jaatī hai

    aur ho jaatī hai mushkil pahchān

    phir bhī rahtā huuñ kisān

    vahī ḳhasta, bad-hāl

    qarz ke panja-e-ḳhūnīñ meñ niDhāl

    is darāñtī ke tufail

    kuchh hai maazī se ġhanīmat mirā haal

    haal se hogā hasīñ istiqbāl

    uThte sūraj ko zarā dekho to

    ho gayā saarā ufuq lālñ-lāl

    chir ke sal mein do bar zamin ka sina

    dafn ho jata hun

    gudgudate hain jo suraj ke sunahre naKHun

    phir nikal aata hun

    ab nikalta hun to itna ki baTore jo koi daman mein

    daman phaT jae

    ghar ke jis kone mein le ja ke koi rakh de mujhe

    bhuk wahan se haT jae

    phir mujhe piste hain, gundhte hain, senkte hain

    gundhne senkne mein shakl badal jati hai

    aur ho jati hai mushkil pahchan

    phir bhi rahta hun kisan

    wahi KHasta, bad-haal

    qarz ke panja-e-KHunin mein niDhaal

    is daranti ke tufail

    kuchh hai mazi se ghanimat mera haal

    haal se hoga hasin istiqbaal

    uThte suraj ko zara dekho to

    ho gaya sara ufuq laln-lal

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY