pas hue

jī-jān se ham ne mehnat kī aur avval-number paas hue

schōl se ham ne ulfat kī ham avval-number paas hue

picture bhī nahīñ dekhī ham ne hokey bhī nahīñ khelī ham ne

le le ke kitābeñ paḌhte rahe aur ḳhuub paḌhā.ī kī ham ne

ustād kī ham ne izzat kī ham avval-number paas hue

jī-jān se ham ne mehnat kī ham avval-number paas hue

din-rāt jo khelā karte the vo bhaa.ī hamāre fail hue

din-rāt jo ghūmā karte the vo bhaa.ī hamāre fail hue

us khel se ham ne nafrat kī ham avval-number paas hue

jī-jān se ham ne mehnat kī ham avval-number paas hue

ab pyaar se ammī kahtī haiñ ik suiT tumheñ banvā deñge

ab pyaar se paapā kahte haiñ dillī se khilaunā lā deñge

māñ-bāp kī ham ne ḳhidmat kī ham avval-number paas hue

jī-jān se ham ne mehnat kī ham avval-number paas hue

har saal raheñge ham avval aur aage baḌhte jā.eñge

is desh ke nanhe munne haiñ ham apne hunar dikhlā.eñge

kyā baat hamārī himmat kī ham avval-number paas hue

jī-jān se ham ne mehnat kī ham avval-number paas hue

ji-jaan se hum ne mehnat ki aur awwal-number pas hue

school se hum ne ulfat ki hum awwal-number pas hue

picture bhi nahin dekhi hum ne hokey bhi nahin kheli hum ne

le le ke kitaben paDhte rahe aur KHub paDhai ki hum ne

ustad ki hum ne izzat ki hum awwal-number pas hue

ji-jaan se hum ne mehnat ki hum awwal-number pas hue

din-raat jo khela karte the wo bhai hamare fail hue

din-raat jo ghuma karte the wo bhai hamare fail hue

us khel se hum ne nafrat ki hum awwal-number pas hue

ji-jaan se hum ne mehnat ki hum awwal-number pas hue

ab pyar se ammi kahti hain ek suiT tumhein banwa denge

ab pyar se papa kahte hain dilli se khilauna la denge

man-bap ki hum ne KHidmat ki hum awwal-number pas hue

ji-jaan se hum ne mehnat ki hum awwal-number pas hue

har sal rahenge hum awwal aur aage baDhte jaenge

is desh ke nanhe munne hain hum apne hunar dikhlaenge

kya baat hamari himmat ki hum awwal-number pas hue

ji-jaan se hum ne mehnat ki hum awwal-number pas hue