premchand ek tha ek se ek jahan ban gaya

muflisī thī to us meñ bhī ik shaan thī

kuchh na thā kuchh na hone pe bhī aan thī

choT khātī ga.ī choT kartī ga.ī

zindagī kis qadar murda maidān thī

jo ba-zāhir shikasta sā ik saaz thā

vo karoḌoñ dukhe dil kī āvāz thā

raah meñ girte paḌte sambhalte hue

sāmrājī ke tevar badalte hue

aa ga.e zindagī ke na.e moḌ par

maut ke rāste se Tahalte hue

ban ke bādal uThe desh par chhā ga.e

prem-ras sūkhe khetoñ pe barsā ga.e

ab vo jantā kī sampat hai dhanpat nahīñ

sirf do-chār ke ghar kī daulat nahīñ

lākhoñ dil ek hoñ jis meñ vo prem hai

do diloñ kī mohabbat mohabbat nahīñ

apne sandesh se sab ko chauñkā diyā

'prem' ne prem kā arth samjhā diyā

fard thā fard se kārvāñ ban gayā

ek thā ek se ik jahāñ ban gayā

ai banaras tirā ek musht-e-ġhubār

uTh ke me.amār-e-hindostāñ ban gayā

marne vaale ke jiine kā andāz dekh

dekh kāshī kī miTTī kā e.ajāz dekh

muflisi thi to us mein bhi ek shan thi

kuchh na tha kuchh na hone pe bhi aan thi

choT khati gai choT karti gai

zindagi kis qadar murda maidan thi

jo ba-zahir shikasta sa ek saz tha

wo karoDon dukhe dil ki aawaz tha

rah mein girte paDte sambhalte hue

samraji ke tewar badalte hue

aa gae zindagi ke nae moD par

maut ke raste se Tahalte hue

ban ke baadal uThe desh par chha gae

prem-ras sukhe kheton pe barsa gae

ab wo janta ki sampat hai dhanpat nahin

sirf do-chaar ke ghar ki daulat nahin

lakhon dil ek hon jis mein wo prem hai

do dilon ki mohabbat mohabbat nahin

apne sandesh se sab ko chaunka diya

'prem' ne prem ka arth samjha diya

fard tha fard se karwan ban gaya

ek tha ek se ek jahan ban gaya

ai banaras tera ek musht-e-ghubar

uTh ke meamar-e-hindostan ban gaya

marne wale ke jine ka andaz dekh

dekh kashi ki miTTi ka eajaz dekh