aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pul-siraat

Zehra Nigaah

pul-siraat

Zehra Nigaah

MORE BYZehra Nigaah

    maiñ jis meñ rahtī huuñ merā ghar hai

    yahāñ dīvār-o-dar ke andar

    mirī javānī ke tāne-bāne

    har ik rag-e-sañg meñ ravāñ haiñ

    yahāñ pe nikhrī huī safedī

    mire buḌhāpe aane vaalī

    sahar elaan kar rahī hai

    yahāñ chhat mere dil se niklī huī duā hai

    jo bārgāh-e-ḳhudā meñ maqbūl ho ke saaya kiye hue hai

    yahāñ khiḌkī yahāñ ke rauzan

    mirī āñkhoñ ke ḳhvāb haiñ

    kuchh meñ raushnī kuchh bujhe bujhe haiñ

    yahāñ pe kuchh log rah chuke haiñ

    yahāñ pe kuchh log rah rahe haiñ

    hamāre mābain kyā hai maazī ke rābte haiñ

    vo rābte jin pe sirf merī giraft mahfūz rah ga.ī hai

    jabhī to aisā huā hai aksar

    maiñ apne hāthoñ ko ḳhud jhaTak kar

    nikal paḌī aise rāste par

    jo baal se bhī mahīn

    talvār tarah

    tund o murta.ish thā

    maiñ kaT ke gir jaanā chāhtī thī

    bikhar ke mar jaanā chāhtī thī

    magar na-jāne mujhe huā kyaa!

    bajā.e is ke ki nīche dekhūñ

    mirī in āñkhoñ ne pīchhe dekhā

    vahīñ jahāñ ek ghar khaḌā thā

    vo jis khiḌkī vo jis ke rauzan

    mirī āñkhoñ ke ḳhvāb the, kuchh meñ raushnī, kuchh bujhe bujhe the!!

    main jis mein rahti hun mera ghar hai

    yahan ki diwar-o-dar ke andar

    meri jawani ke tane-bane

    har ek rag-e-sang mein rawan hain

    yahan pe nikhri hui safedi

    mere buDhape ki aane wali

    sahar ka elan kar rahi hai

    yahan ki chhat mere dil se nikli hui dua hai

    jo bargah-e-KHuda mein maqbul ho ke saya kiye hue hai

    yahan ki khiDki yahan ke rauzan

    meri hi aankhon ke KHwab hain

    kuchh mein raushni kuchh bujhe bujhe hain

    yahan pe kuchh log rah chuke hain

    yahan pe kuchh log rah rahe hain

    hamare mabain kya hai mazi ke rabte hain

    wo rabte jin pe sirf meri giraft mahfuz rah gai hai

    jabhi to aisa hua hai aksar

    main apne hathon ko KHud jhaTak kar

    nikal paDi aise raste par

    jo baal se bhi mahin

    talwar ki tarah

    tund o murtaish tha

    main kaT ke gir jaana chahti thi

    bikhar ke mar jaana chahti thi

    magar na-jaane mujhe hua kya!

    bajae is ke ki niche dekhun

    meri in aankhon ne pichhe dekha

    wahin jahan ek ghar khaDa tha

    wo jis ki khiDki wo jis ke rauzan

    meri hi aankhon ke KHwab the, kuchh mein raushni, kuchh bujhe bujhe the!!

    RECITATIONS

    Zehra Nigaah

    Zehra Nigaah,

    Zehra Nigaah

    pul-siraat Zehra Nigaah

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now