purwanchal

Fahmida Riaz

purwanchal

Fahmida Riaz

MORE BYFahmida Riaz

    mashriqī UP curfew meñ

    ye dhartī kitnī sundar hai

    ye sundar aur dukhī dhartī

    ye dhānī āñchal pūrab

    tez raftār rail ke saath

    havā meñ uḌtā jaatā hai

    paḌā jhil-mil lahrātā hai

    duur tak hare khet khaliyān

    ye dhartī aurat koī kisān

    sambhāle sar par bhārī bojh

    chalī hai khet se ghar or

    vahī ghar jis chhat par aaj

    krodh gidh mañDrātā hai

    jhapaT kar par phailātā hai

    os se giilā hai sabza

    ki giile haiñ mere do nain

    paḌe maaTī patthar ke Dher

    vahī masjid mandir ke pher

    tane logoñ ke tevar dekh

    isī dhartī par soyā puut

    jaag kar tumheñ manātā hai

    'kabīrā' kuchh samjhātā hai

    jahāñ hoñ nafrat ke ghamsān

    nahīñ rahte us bhagvān

    nahīñ kartā hai nazar rahīm

    nahīñ karte haiñ pherā raam

    tumhārī minnat kartā hai

    ḳhaak par siis jhukātā hai

    'Kabīrā' kuchh samjhātā hai

    isī sarjū nadiyā ke paar

    kamal-kunjoñ par jahāñ bahār

    khaḌe haiñ hare baañs ke jhunD

    gaḌā hai gautam sandesh

    khile haiñ jahāñ basantī phuul

    khudā hai patthar par updesh

    aḌe jab do firqoñ aan

    tule hoñ de dene par jaan

    hai aslī jiit bas ye riit

    ki donoñ jaa.eñ barābar jiit

    natīja-ḳhez yahī anjām

    na samjho varna jañg tamām

    huī jis yudh meñ ik haar

    vo hotā rahegā bāram-bār

    na donoñ jab tak miT jaa.eñ

    na donoñ jaa.eñ barābar haar

    yahī Takrāo hai qānūn

    yahī gautam uttam gyaan

    ki jis ke aage ek jahān

    adab se siis jhukātā hai

    tumhī to vāris the is ke

    tumheñ kyuuñ bisrā jaatā hai

    saje rahnumā ke sar dastār

    paḌeñ pāñDav ke gale meñ haar

    jale haiñ jin ke chūlhe roz

    bhare haiñ jin ke sadā bhanDār

    are mūrakh kyuuñ har baar

    jaan kar dhokā khātā hai

    lahū meñ aap nahātā hai

    mashriqi UP curfew mein

    ye dharti kitni sundar hai

    ye sundar aur dukhi dharti

    ye dhani aanchal purab ka

    tez raftar rail ke sath

    hawa mein uDta jata hai

    paDa jhil-mil lahraata hai

    dur tak hare khet khaliyan

    ye dharti aurat koi kisan

    sambhaale sar par bhaari bojh

    chali hai khet se ghar ki or

    wahi ghar jis ki chhat par aaj

    krodh ka gidh manDraata hai

    jhapaT kar par phailata hai

    os se gila hai sabza

    ki gile hain mere do nain

    paDe maTi patthar ke Dher

    wahi masjid mandir ke pher

    tane logon ke tewar dekh

    isi dharti par soya put

    jag kar tumhein manata hai

    'kabira' kuchh samjhata hai

    jahan hon nafrat ke ghamsan

    nahin rahte us ja bhagwan

    nahin karta hai nazar rahim

    nahin karte hain phera ram

    tumhaari minnat karta hai

    KHak par sis jhukata hai

    'Kabira' kuchh samjhata hai

    isi sarju nadiya ke par

    kamal-kunjon par jahan bahaar

    khaDe hain hare bans ke jhunD

    gaDa hai gautam ka sandesh

    khile hain jahan basanti phul

    khuda hai patthar par updesh

    aDe jab do firqon ki aan

    tule hon de dene par jaan

    hai asli jit ki bas ye rit

    ki donon jaen barabar jit

    natija-KHez yahi anjam

    na samjho warna jang tamam

    hui jis yudh mein ek ki haar

    wo hota rahega baram-bar

    na donon jab tak miT jaen

    na donon jaen barabar haar

    yahi Takrao ka hai qanun

    yahi gautam ka uttam gyan

    ki jis ke aage ek jahan

    adab se sis jhukata hai

    tumhi to waris the is ke

    tumhein kyun bisra jata hai

    saje rahnuma ke sar dastar

    paDen panDaw ke gale mein haar

    jale hain jin ke chulhe roz

    bhare hain jin ke sada bhanDar

    are tu murakh kyun har bar

    jaan kar dhoka khata hai

    lahu mein aap nahata hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY