ek KHwab

Gulzar

ek KHwab

Gulzar

MORE BYGulzar

    Interesting Fact

    This Nazm was used film 'Kinara' (1977), directed by Gulzar himself.

    ek ḳhvāb ka.ī baar yūñhī dekhā maiñ ne

    ne saaḌī meñ uḌas haiñ mirī chābiyāñ ghar

    aur chalī aa.ī hai bas yūñhī mirā haath pakaḌ kar

    ghar har chiiz sambhāle hue apnā.e hue

    mire paas mire ghar pe mire saath hai 'sonūñ'

    mez par phuul sajāte hue dekhā hai ka.ī baar

    aur bistar se ka.ī baar jagāyā bhī hai tujh ko

    chalte-phirte tire qadmoñ vo aahaT bhī sunī hai

    gungunātī huī niklī hai ġhusl-ḳhāne se jab bhī

    apne bhīge hue bāloñ se Tapaktā huā paanī

    mere chehre par chhiḌak detī hai 'sonūñ' bachchī

    farsh par leT ga.ī hai kabhī ruuTh ke mujh se

    aur kabhī farsh se mujh ko bhī uThāyā hai manā kar

    taash ke pattoñ pe laḌtī hai kabhī khel meñ mujh se

    aur kabhī laḌtī bhī aise hai ki bas khel rahī hai

    aur āġhosh meñ nanhe ko

    aur ma.alūm hai jab dekhā thā ye ḳhvāb tumhārā

    apne bistar pe maiñ us vaqt paḌā jaag rahā thā

    ek hi KHwab kai bar yunhi dekha main ne

    tu ne saDi mein uDas li hain meri chabiyan ghar ki

    aur chali aai hai bas yunhi mera hath pakaD kar

    ghar ki har chiz sambhaale hue apnae hue tu

    tu mere pas mere ghar pe mere sath hai 'sonun'

    mez par phul sajate hue dekha hai kai bar

    aur bistar se kai bar jagaya bhi hai tujh ko

    chalte-phirte tere qadmon ki wo aahaT bhi suni hai

    gungunati hui nikli hai ghusl-KHane se jab bhi

    apne bhige hue baalon se Tapakta hua pani

    mere chehre par chhiDak deti hai tu 'sonun' ki bachchi

    farsh par leT gai hai tu kabhi ruTh ke mujh se

    aur kabhi farsh se mujh ko bhi uThaya hai mana kar

    tash ke patton pe laDti hai kabhi khel mein mujh se

    aur kabhi laDti bhi aise hai ki bas khel rahi hai

    aur aaghosh mein nanhe ko

    aur malum hai jab dekha tha ye KHwab tumhaara

    apne bistar pe main us waqt paDa jag raha tha

    Source :
    • Book : Pukhraj (Pg. 135)
    • Author : Gulzar
    • Publication : Roopa Publications India Pvt. (2014)
    • Edition : 2014

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY