qabil ka saya

Sahar Ansari

qabil ka saya

Sahar Ansari

MORE BYSahar Ansari

    ḳhudā ke ḳhauf se apne gunāhoñ par ḳhajil ho kar

    vo paiham girya kartā thā

    vo apne bhaa.ī ke lāshe pe paiham girya kartā thā

    lahū āvāz detā thā zamīñ ḳhaak rusvā se

    ḳhudā arsh kaañp uThtā thā is fariyād ko san kar

    barādar-kush sazā paate the patthar ban ke jiite the

    aur un ke dil dhaḌkan band ho jaatī thī sīnoñ meñ

    aur un ḳhuun in sard sharyānoñ pe hañstā thā

    magar is daur meñ koī ḳhudā aisā nahīñ kartā

    ki ab shahroñ hālat agle sahrāoñ se behtar hai

    ki ab shahroñ meñ maar o azhdar o kargas nahīñ milte

    kutub-ḳhānoñ meñ afkār-o-aqā.ed jalva-farmā haiñ

    hazāroñ dars-gāheñ dā.ī-e-aqdār-e-insāñ haiñ

    siyah saḌkoñ pe kāreñ haiñ fazāoñ meñ haiñ tayyāre

    imārāt-e-buland apne falak-paimā darīchoñ se

    makoḌoñ tarah chalte hue jismoñ ko taktī haiñ

    hamāre shahr māman haiñ hamāre shahr gulshan haiñ

    ab in shahroñ meñ farsūda ḳhudā kyā zarūrat hai

    ḳhudā ḳhāmosh hai aur ḳhauf-o-ġham se nīm-jāñ insāñ

    havā lahr ko bhī maut aahaT samajhte haiñ

    kisī ko kuchh nazar aatā nahīñ lekin koī jazba

    ye chupke chupke kahtā hai ki ai hābīl ai hābīl

    halākat ke na.e sāmān se ārāsta ho kar

    galī-kūchoñ meñ aa pahuñchā hai phir qābīl saaya

    KHuda ke KHauf se apne gunahon par KHajil ho kar

    wo paiham girya karta tha

    wo apne bhai ke lashe pe paiham girya karta tha

    lahu aawaz deta tha zamin ki KHak ruswa se

    KHuda ka arsh kanp uThta tha is fariyaad ko san kar

    baradar-kush saza pate the patthar ban ke jite the

    aur un ke dil ki dhaDkan band ho jati thi sinon mein

    aur un ka KHun in ki sard sharyanon pe hansta tha

    magar is daur mein koi KHuda aisa nahin karta

    ki ab shahron ki haalat agle sahraon se behtar hai

    ki ab shahron mein mar o azhdar o kargas nahin milte

    kutub-KHanon mein afkar-o-aqaed jalwa-farma hain

    hazaron dars-gahen dai-e-aqdar-e-insan hain

    siyah saDkon pe karen hain fazaon mein hain tayyare

    imaraat-e-buland apne falak-paima darichon se

    makoDon ki tarah chalte hue jismon ko takti hain

    hamare shahr maman hain hamare shahr gulshan hain

    ab in shahron mein farsuda KHuda ki kya zarurat hai

    KHuda KHamosh hai aur KHauf-o-gham se nim-jaan insan

    hawa ki lahr ko bhi maut ki aahaT samajhte hain

    kisi ko kuchh nazar aata nahin lekin koi jazba

    ye chupke chupke kahta hai ki ai habil ai habil

    halakat ke nae saman se aarasta ho kar

    gali-kuchon mein aa pahuncha hai phir qabil ka saya

    Source:

    • Book : namuud (Pg. 52)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY