aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

qasbaati laDkon ka git

Abrar Ahmad

qasbaati laDkon ka git

Abrar Ahmad

MORE BYAbrar Ahmad

    ham terī sub.hoñ os meñ bhīgī

    āñkhoñ ke saath

    dinoñ is bastī ko dekhte haiñ

    ham tere ḳhush-ilhān parinde

    har jānib terī muñDereñ khojte haiñ

    ham nikle the

    tere māthe ke liye bosa DhūñDne

    ham ā.eñge

    bojhal qadmoñ ke saath

    tere tārīk hujroñ meñ phirne ke liye

    tere siine par

    apnī ukTāhaToñ ke phuul bichhāne

    sar-phirī havā ke saath

    tere ḳhālī chaubāroñ meñ phirne ke liye

    tere sehnoñ se uThte dhueñ ko

    apnī āñkhoñ meñ bharne

    tere ujle bachchoñ mailī āstīnoñ se

    apne aañsū poñchhne

    terī kaa.ī zada dīvāroñ se

    lipaT jaane ke liye

    ham ā.eñge

    niiñd aur bachpan ḳhushbū meñ soī huī

    terī rātoñ chhat par

    ujlī chārpā.iyāñ bichhāne

    motiye ke phūloñ se pare

    apnī chīḳhtī tanhā.iyāñ uThāne

    ham lauTeñge terī jānib

    aur dekheñge terī būḌhī īñToñ ko

    umroñ ke rat-jagoñ se dukhtī āñkhoñ ke saath

    ūñche nīche makānoñ meñ ghire

    guzishta ke gaḌhe meñ

    ek baar phir girne ke liye

    lambī taan kar sone ke liye

    ham ā.eñge tere mazāfāt meñ

    miTTī hone ke liye

    hum teri subhon ki os mein bhigi

    aankhon ke sath

    dinon ki is basti ko dekhte hain

    hum tere KHush-ilhan parinde

    har jaanib teri munDeren khojte hain

    hum nikle the

    tere mathe ke liye bosa DhunDne

    hum aaenge

    bojhal qadmon ke sath

    tere tarik hujron mein phirne ke liye

    tere sine par

    apni ukTahaTon ke phul bichhane

    sar-phiri hawa ke sath

    tere KHali chaubaron mein phirne ke liye

    tere sehnon se uThte dhuen ko

    apni aankhon mein bharne

    tere ujle bachchon ki maili aastinon se

    apne aansu ponchhne

    teri kai zada diwaron se

    lipaT jaane ke liye

    hum aaenge

    nind aur bachpan ki KHushbu mein soi hui

    teri raaton ki chhat par

    ujli chaarpaiyan bichhane

    motiye ke phulon se pare

    apni chiKHti tanhaiyan uThane

    hum lauTenge teri jaanib

    aur dekhenge teri buDhi inTon ko

    umron ke rat-jagon se dukhti aankhon ke sath

    unche niche makanon mein ghire

    guzishta ke gaDhe mein

    ek bar phir girne ke liye

    lambi tan kar sone ke liye

    hum aaenge tere mazafat mein

    miTTi hone ke liye

    Source:

    Aakhrii Din Se pehle (Pg. 154)

    • Author: Abrar Ahmed
      • Edition: 1997
      • Publisher: Tahir Aslam Gora, Gora Publishers
      • Year of Publication: 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now