qasida kya hai

fārsī arabī meñ gūñjī is kī sadā

shaan meñ bādshāhoñ kī likkhā gayā

lafzoñ kī shān-o-shaukat milegī yahāñ

bā-vaqār is kā hotā hai bachcho bayāñ

hai qasīde meñ tanz aur tārīf bhī

kaifiyat is meñ hotī hai ik nazm sī

is meñ dekhoge tum naqsha māhaul kā

pāoge sheroñ meñ saaya māhaul kā

sinf hai ik purānī qasīda miyāñ

ḳhaas aur aam kī hai ye ḳhud tarjumāñ

is ke ajzā meñ tashbīb hai aur gurez

madh-o-zam mudda.ā aur duā naġhma-rez

māhir-e-fan na ho gar qasīda-nigār

to qasīda na likkhegā vo shāndār

hai qasīde meñ saudā kā mash.hūr naam

rūh-e-saudā ko 'hāfiz' hamārā salām

farsi arabi mein gunji is ki sada

shan mein baadshahon ki likkha gaya

lafzon ki shan-o-shaukat milegi yahan

ba-waqar is ka hota hai bachcho bayan

hai qaside mein tanz aur tarif bhi

kaifiyat is mein hoti hai ek nazm si

is mein dekhoge tum naqsha mahaul ka

paoge sheron mein saya mahaul ka

sinf hai ek purani qasida miyan

KHas aur aam ki hai ye KHud tarjuman

is ke ajza mein tashbib hai aur gurez

madh-o-zam muddaa aur dua naghma-rez

mahir-e-fan na ho gar qasida-nigar

to qasida na likkhega wo shandar

hai qaside mein sauda ka mashhur nam

ruh-e-sauda ko 'hafiz' hamara salam