qissa-e-chahaar-KHwab

Qamar Jameel

qissa-e-chahaar-KHwab

Qamar Jameel

MORE BYQamar Jameel

    avval

    halqa-e-yārāñ meñ kan.āñ raat ke pichhle pahar

    bastiyoñ se duur nahroñ ke kināre ḳhema-zan

    vo daraḳhtoñ havāoñ meñ sitāre ḳhema-zan

    bastiyoñ se duur sahrā ke nazāre ḳhema-zan

    halqa-e-yārāñ meñ kitne nāznīñ nāzuk kamar

    dom

    raqs ke hañgām kitne bāzuoñ pech-o-ḳham

    dekhne vāloñ nazroñ meñ utar aane ko hai

    ye badan loch jaise ruuh bal khāne ko hai

    ye nazar ke sāmne kitne aalam ḳhvāb se

    raqs ke hañgām ubhar aate haiñ kitne shoḳh rañg

    aur kitne tez ho jaate haiñ nazroñ ke ḳhadañg

    ye ḳhayāloñ ke gulistāñ ye nigāhoñ ke qafas

    raqs ke ye dā.ere shola-ba-dāmāñ har nafas

    soyam

    rasm adā hone na paa.ī thī ki ḳhemoñ ke qarīb

    shah-nashīñ samt dauḌe is tarah vahshī naqīb

    kitne armāñ kitne ġham ashkoñ meñ Dhal kar rah ga.e

    ain jashn-e-rasm ke hañgām kan.āñ gurez

    kitne manzar āriz-o-lab ke pighal kar rah ga.e

    kitne lab hasrat-chashīda kitnī āñkheñ ashk-rez

    jaise sāġhar aa.eñ hāthoñ meñ magar TuuTe hue

    chheḌiyo mat zindagī ke bāl-o-par TuuTe hue

    taar haiñ is saaz ke ai naġhma-gar TuuTe hue

    chahārum

    ye qabīloñ ke shuyūḳh-e-puḳhta-umr o saḳht-kosh

    vādī-e-dajla ke shahrī kurd ke ḳhāna-ba-dosh

    laḌ rahe haiñ apnī apnī kaj-kulāhī ke liye

    kaun daarū ban ke aa.e kam-nigāhī ke liye

    garmi-e-guftār se mumkin nahīñ dil rafū

    guftugū se aur baḌh jaatā hai josh-e-guftugū

    awwal

    halqa-e-yaran mein kanan raat ke pichhle pahar

    bastiyon se dur nahron ke kinare KHema-zan

    wo daraKHton ki hawaon mein sitare KHema-zan

    bastiyon se dur sahra ke nazare KHema-zan

    halqa-e-yaran mein kitne naznin nazuk kamar

    dom

    raqs ke hangam kitne bazuon ka pech-o-KHam

    dekhne walon ki nazron mein utar aane ko hai

    ye badan ka loch jaise ruh bal khane ko hai

    ye nazar ke samne kitne hi aalam KHwab se

    raqs ke hangam ubhar aate hain kitne shoKH rang

    aur kitne tez ho jate hain nazron ke KHadang

    ye KHayalon ke gulistan ye nigahon ke qafas

    raqs ke ye daere shola-ba-daman har nafas

    soyam

    rasm ada hone na pai thi ki KHemon ke qarib

    shah-nashin ki samt dauDe is tarah wahshi naqib

    kitne arman kitne gham ashkon mein Dhal kar rah gae

    ain jashn-e-rasm ke hangam kanan ka gurez

    kitne manzar aariz-o-lab ke pighal kar rah gae

    kitne lab hasrat-chashida kitni aankhen ashk-rez

    jaise saghar aaen hathon mein magar TuTe hue

    chheDiyo mat zindagi ke baal-o-par TuTe hue

    tar hain is saz ke ai naghma-gar TuTe hue

    chahaarum

    ye qabilon ke shuyuKH-e-puKHta-umr o saKHt-kosh

    wadi-e-dajla ke shahri kurd ke KHana-ba-dosh

    laD rahe hain apni apni kaj-kulahi ke liye

    kaun daru ban ke aae kam-nigahi ke liye

    garmi-e-guftar se mumkin nahin dil ka rafu

    guftugu se aur baDh jata hai josh-e-guftugu

    Source :
    • Book : khvaab numaa (Pg. 13)
    • Author : qamar jameel

    related content

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY