qiston mein KHwab

Ain Rashid

qiston mein KHwab

Ain Rashid

MORE BYAin Rashid

    maiñ jab chhoTā thā

    to chalte chalte ḳhvāb dekhā kartā thā

    aksar maiñ sirf ḳhvāb dekhne ke liye chaltā thā

    sub.h ko dopahar ko shaam ko

    raat ko gahrī niiñd sotā thā

    jo gahrī niiñd sote haiñ vo ḳhvāb nahīñ dekhte

    saare ḳhvāboñ markazī kirdār maiñ huā kartā thā

    magar mere qarībī aur pyāre log bhī us meñ shāmil rahte the

    mere ḳhvāb tavīl aur manzūm hote the

    aur maiñ aksar un meñ tarmīm kiyā kartā thā

    kuchh ḳhvāb jo dil ko na bhāte the

    unheñ chhoḌ kar na.e ḳhvāb shurūāt kartā thā

    ab maiñ raat bhar

    aur ḳhaas kar sub.h ko

    qistoñ meñ ḳhvāb dekhtā huuñ

    adh-jale ḳhvāb

    kuchh ḳhvāboñ se najāt miltī hai

    to ḳhush ho jaatā hai

    saare ḳhvāb jaane pahchāne hote haiñ

    mānūs ḳhvāb

    tafsīlī ḳhvāb

    kuchh ḳhvāb roza-marra tafsīloñ se vāzeh

    kuchh suhāne ḳhvāb jab ruk jaate haiñ

    to unheñ dekhne nākām koshish kartā huuñ

    ḳhvāb ḳhud nahīñ dohrāte

    an-dekhe ḳhvāb

    ab ḳhvāboñ duniyā meñ haiñ

    main jab chhoTa tha

    to chalte chalte KHwab dekha karta tha

    aksar main sirf KHwab dekhne ke liye hi chalta tha

    subh ko dopahar ko sham ko

    raat ko gahri nind sota tha

    jo gahri nind sote hain wo KHwab nahin dekhte

    sare KHwabon ka markazi kirdar main hi hua karta tha

    magar mere qaribi aur pyare log bhi us mein shamil rahte the

    mere KHwab tawil aur manzum hote the

    aur main aksar un mein tarmim kiya karta tha

    kuchh KHwab jo dil ko na bhate the

    unhen chhoD kar nae KHwab ki shuruat karta tha

    ab main raat bhar

    aur KHas kar subh ko

    qiston mein KHwab dekhta hun

    adh-jale KHwab

    kuchh KHwabon se najat milti hai

    to ji KHush ho jata hai

    sare KHwab jaane pahchane hote hain

    manus KHwab

    tafsili KHwab

    kuchh KHwab roza-marra ki tafsilon se wazeh

    kuchh suhane KHwab jab ruk jate hain

    to unhen dekhne ki nakaam koshish karta hun

    KHwab KHud nahin dohraate

    an-dekhe KHwab

    ab KHwabon ki duniya mein hain

    related content

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY