qurratul-ain-haidar

maiñ ne dekhī haiñ kisī chehre meñ aisī āñkheñ

jin meñ mere ka.ī anjāne savāloñ ke javāb

aisī āsānī se sachchā.ī ke dar kholte haiñ

āsmānoñ meñ zamīnoñ ke sanam bolte haiñ

maiñ ne jaanā hai ki lafzoñ ke tilismī dhāge

kaise tārīḳh ko unvān na.e dete haiñ

kaise aa milte haiñ sadiyoñ kī judā.ī ke asiir

kis tarah ḳhvāb na.e aks sajā lete haiñ

yūñhī is hairat-e-hastī kī panāhoñ meñ kahīñ

zindagī sab ke liye apne hunar kholtī hai

haañ magar ḳhaas qadam uThte haiñ rāhoñ meñ tabhī

ye zamīñ chāñd sitāroñ se udhar Doltī hai

aur is samt jo dekhūñ vo nazar boltī hai

maiñ bhalā kaun huuñ kirdār huuñ kis ḳhāke kā

mere hone se jahāñ bhar ko musībat kyā hai

kaise dozaḳh kā pata māñgtī huuñ us ke evaz

merī hastī kī zamāne meñ haqīqat kyā hai

maiñ ne dekhā hai mirā kal kisī guzre pal meñ

maiñ ne jaanā hai kahāñ merā qadam Thahrā hai

us ke imroz ko dekhā hai to ye ilm huā

merī taqdīr mire fardā meñ rakkhā kyā hai

main ne dekhi hain kisi chehre mein aisi aankhen

jin mein mere kai anjaane sawalon ke jawab

aisi aasani se sachchai ke dar kholte hain

aasmanon mein zaminon ke sanam bolte hain

main ne jaana hai ki lafzon ke tilismi dhage

kaise tariKH ko unwan nae dete hain

kaise aa milte hain sadiyon ki judai ke asir

kis tarah KHwab nae aks saja lete hain

yunhi is hairat-e-hasti ki panahon mein kahin

zindagi sab ke liye apne hunar kholti hai

han magar KHas qadam uThte hain rahon mein tabhi

ye zamin chand sitaron se udhar Dolti hai

aur is samt jo dekhun wo nazar bolti hai

main bhala kaun hun kirdar hun kis KHake ka

mere hone se jahan bhar ko musibat kya hai

kaise dozaKH ka pata mangti hun us ke ewaz

meri hasti ki zamane mein haqiqat kya hai

main ne dekha hai mera kal kisi guzre pal mein

main ne jaana hai kahan mera qadam Thahra hai

us ke imroz ko dekha hai to ye ilm hua

meri taqdir mere farda mein rakkha kya hai