raegan aazadiyon ke be-samar unchas sal

Arsh Siddiqui

raegan aazadiyon ke be-samar unchas sal

Arsh Siddiqui

MORE BYArsh Siddiqui

    maiñ safar meñ huuñ liye kāñdhoñ pe apnī rā.egāñ āzādiyoñ ke be-samar unchās saal

    saañs jab tak saath hai maiñ ḳhvāhishoñ jagmagātā haath thāme

    terī hamrāhī meñ huuñ

    ḳhvāhisheñ ek shāmiyāna haiñ laraztī āḳhirī hichkī ke aur kuchh māñgtī pahlī sadā ke darmiyāñ

    jis ke saa.e meñ guzarte vaqt ke vaqt ke chalte hue lamhoñ ko miltā hai sukūñ

    hai unhī jalte hue lamhoñ jagmag meñ mirī pahchān gum

    lamhe chalte haiñ guzartā vaqt andhā hai magar

    aur guzarte vaqt pahchān detā hai to mustaqbil vo naqsh-e-gurezāñ haft-rañg

    jo ufuq tak jaa.e mai rāste se ab bhī barsoñ duur hai

    maiñ safar meñ huuñ liye kāñdhoñ pe apnī rā.egāñ āzādiyoñ ke be-samar unchās saal

    DhūñDhtā huuñ aane vaale vaqt meñ us ek lamhe ko jo sach kahne jur.at de mujhe

    taaki mar jaane se pahle ek baar

    maiñ bhī ashyā ko pukāroñ un ke apne naam se

    is liye ki har kitāb-e-āsmānī meñ likhā hai sach kaho

    aur yahī ḳhvāhish hai jo ab tak sarāb-e-ḳhvāb hai

    lekin aisā ḳhvāb dekhā kis ne jo ta.abīr had meñ na ho

    maiñ ki ab bhī ḳhvāhishoñ haath thāme

    terī hamrāhī meñ huuñ

    maiñ ne ab tak kaise kaise naam de kar tujh ko dekhā hai ḳhud apne rañg meñ

    chāhtā huuñ ab kabhī tujh ko pukārūñ tere apne naam se

    is liye maiñ har na.e imkāñ sarhad tak chalūñgā tere haath

    raah dīvār kyuuñ mere liye huuñ rā.egāñ āzādiyoñ ke be-samar unchās saal

    is liye ki saañs chaltī hai to har manzil mirī bāñhoñ meñ hai

    is liye ki ḳhvāhisheñ to vaqt mānind haiñ be-sin-o-sāl

    is liye ki vaqt kab būḌhā huā būḌhe to hote haiñ daraḳht

    maiñ ki ab bhī ḳhvāhishoñ haath thāme terī hamrāhī meñ huuñ

    har na.e imkāñ sarhad tak chalūñgā tere saath

    main safar mein hun liye kandhon pe apni raegan aazadiyon ke be-samar unchas sal

    sans jab tak sath hai main KHwahishon ka jagmagata hath thame

    teri hamrahi mein hun

    KHwahishen ek shamiyana hain larazti aaKHiri hichki ke aur kuchh mangti pahli sada ke darmiyan

    jis ke sae mein guzarte waqt ke waqt ke chalte hue lamhon ko milta hai sukun

    hai unhi jalte hue lamhon ki jagmag mein meri pahchan gum

    lamhe chalte hain guzarta waqt andha hai magar

    aur guzarte waqt ki pahchan deta hai to mustaqbil ka wo naqsh-e-gurezan haft-rang

    jo ufuq tak jae mai raste se ab bhi barson dur hai

    main safar mein hun liye kandhon pe apni raegan aazadiyon ke be-samar unchas sal

    DhunDhta hun aane wale waqt mein us ek lamhe ko jo sach kahne ki jurat de mujhe

    taki mar jaane se pahle ek bar

    main bhi ashya ko pukaron un ke apne nam se

    is liye ki har kitab-e-asmani mein likha hai sach kaho

    aur yahi KHwahish hai jo ab tak sarab-e-KHwab hai

    lekin aisa KHwab dekha kis ne jo tabir ki had mein na ho

    main ki ab bhi KHwahishon ka hath thame

    teri hamrahi mein hun

    main ne ab tak kaise kaise nam de kar tujh ko dekha hai KHud apne rang mein

    chahta hun ab kabhi tujh ko pukarun tere apne nam se

    is liye main har nae imkan ki sarhad tak chalunga tere hath

    rah ki diwar kyun mere liye hun raegan aazadiyon ke be-samar unchas sal

    is liye ki sans chalti hai to har manzil meri banhon mein hai

    is liye ki KHwahishen to waqt ki manind hain be-sin-o-sal

    is liye ki waqt kab buDha hua buDhe to hote hain daraKHt

    main ki ab bhi KHwahishon ka hath thame teri hamrahi mein hun

    har nae imkan ki sarhad tak chalunga tere sath

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY