rakhi

Nazeer Akbarabadi

rakhi

Nazeer Akbarabadi

MORE BY Nazeer Akbarabadi

    chalī aatī hai ab to har kahīñ bāzār rākhī

    sunahrī sabz resham zard aur gulnār rākhī

    banī hai go ki nādir ḳhuub har sardār rākhī

    salonoñ meñ ajab rañgīñ hai us dildār rākhī

    na pahuñche ek gul ko yaar jis gulzār rākhī

    ayaañ hai ab to rākhī bhī chaman bhī gul bhī shabnam bhī

    jhamak jaatā hai motī aur jhalak jaatā hai resham bhī

    tamāshā hai ahā hā-hā ġhanīmat hai ye aalam bhī

    uThānā haath pyāre vāh-vā Tuk dekh leñ ham bhī

    tumhārī motiyoñ aur zarī ke taar rākhī

    machī hai har taraf kyā kyā salonoñ bahār ab to

    har ik gul-rū phire hai rākhī bāñdhe haath meñ ḳhush ho

    havas jo dil meñ guzre hai kahūñ kyā aah maiñ tum ko

    yahī aatā hai meñ ban ke bāmhan, aaj to yaaro

    maiñ apne haath se pyāre ke bāñdhūñ pyaar rākhī

    huī hai zeb-o-zīnat aur ḳhūbāñ ko to rākhī se

    va-lekin tum se ai jaañ aur kuchh rākhī ke gul phūle

    divānī bulbuleñ hoñ dekh gul chunñe lagīñ tinke

    tumhāre haath ne mehñdī ne añgushtoñ ne nāḳhun ne

    gulistāñ chaman baaġh gulzār rākhī

    adā se haath uThte haiñ gul-e-rākhī jo hilte haiñ

    kaleje dekhne vāloñ ke kyā kyā aah chhilte haiñ

    kahāñ nāzuk ye pahuñche aur kahāñ ye rañg milte haiñ

    chaman meñ shāḳh par kab is tarah ke phuul khilte haiñ

    jo kuchh ḳhūbī meñ hai us shoḳh-e-gul-ruḳhsār rākhī

    phireñ haiñ rākhiyāñ bāñdhe jo har dam husn ke taare

    to un rākhiyoñ ko dekh ai jaañ chaav ke maare

    pahan zunnār aur qashqa lagā māthe upar baare

    'nazīr' aayā hai bāmhan ban ke rākhī bāñdhne pyāre

    bañdhā lo us se tum hañs kar ab is tyauhār rākhī

    chali aati hai ab to har kahin bazar ki rakhi

    sunahri sabz resham zard aur gulnar ki rakhi

    bani hai go ki nadir KHub har sardar ki rakhi

    salonon mein ajab rangin hai us dildar ki rakhi

    na pahunche ek gul ko yar jis gulzar ki rakhi

    ayan hai ab to rakhi bhi chaman bhi gul bhi shabnam bhi

    jhamak jata hai moti aur jhalak jata hai resham bhi

    tamasha hai aha ha-ha ghanimat hai ye aalam bhi

    uThana hath pyare wah-wa Tuk dekh len hum bhi

    tumhaari motiyon ki aur zari ke tar ki rakhi

    machi hai har taraf kya kya salonon ki bahaar ab to

    har ek gul-ru phire hai rakhi bandhe hath mein KHush ho

    hawas jo dil mein guzre hai kahun kya aah main tum ko

    yahi aata hai ji mein ban ke baamhan, aaj to yaro

    main apne hath se pyare ke bandhun pyar ki rakhi

    hui hai zeb-o-zinat aur KHuban ko to rakhi se

    wa-lekin tum se ai jaan aur kuchh rakhi ke gul phule

    diwani bulbulen hon dekh gul chunne lagin tinke

    tumhaare hath ne mehndi ne angushton ne naKHun ne

    gulistan ki chaman ki bagh ki gulzar ki rakhi

    ada se hath uThte hain gul-e-rakhi jo hilte hain

    kaleje dekhne walon ke kya kya aah chhilte hain

    kahan nazuk ye pahunche aur kahan ye rang milte hain

    chaman mein shaKH par kab is tarah ke phul khilte hain

    jo kuchh KHubi mein hai us shoKH-e-gul-ruKHsar ki rakhi

    phiren hain rakhiyan bandhe jo har dam husn ke tare

    to un ki rakhiyon ko dekh ai jaan chaw ke mare

    pahan zunnar aur qashqa laga mathe upar bare

    'nazir' aaya hai baamhan ban ke rakhi bandhne pyare

    bandha lo us se tum hans kar ab is tyauhaar ki rakhi

    Source:

    • Book : Kulliyat-e-Nazeer Akbarabadi (Pg. 308)
    • Author : Nazeer Akbarabadi
    • Publication : Munshi Naval Kishor (1922)
    • Edition : 1922

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY