raat ki baat

Mukhtar Siddiqui

raat ki baat

Mukhtar Siddiqui

MORE BYMukhtar Siddiqui

    chūḌiyāñ bajtī haiñ chhāgal sadā aatī hai

    fart-e-betābī se uTh uTh ke nazar baiTh ga.ī

    thaam kar aas har aahaT pe jigar baiTh ga.ī

    merā ġham-ḳhāna ibārat rahā tārīkī se

    mauj-e-mahtāb kahāñ ḳhāk-ba-sar baiTh ga.ī

    shabnam-ālūd huā jaatā hai shab dāmāñ

    taare chamke haiñ ki ab gard-e-safar baiTh ga.ī

    bhīgtī raat nahā kar mire ashk-e-ḳhūñ meñ

    jaane ko uTThī thī uTh ke magar baiTh ga.ī

    us ne dekhā ki mirī raanī lajātī aa.ī

    āñkheñ maltī huī fitnoñ ko jagātī aa.ī

    sar se Dhalkā huā āñchal shikan-ālūd libās

    chhaḌī āñkhoñ meñ machaltī huī nīndoñ jhalak

    so ga.ī thī zarā ḳhud sab ko sulāte shāyad

    niiñd kachchī thī ki va.ade ne dil par dastak

    chauñk kar uTThī to dekhā ki sitāre ban kar

    auj-e-aflāk pe hai maañg afshāñ damak

    shīsha-e-mah se chhalak kar mai-e-tund-o-be-dard

    us ke māthe se churā letī hai sone Dalak

    chūḌiyāñ hāthoñ meñ thāme chalī haule haule

    kar de ġhammāzī mubādā kahīñ chhāgal chhanak

    surḳhī Tiike jabīñ par zarā phailī phailī

    jis tarah jaam se kuchh thoḌī mai jaa.e chhalak

    ''zulfeñ yuuñ chehre pe bikhrī huī māñgeñ thiiñ dil

    jis tarah ek khilaune pe miTeñ do bālak''

    jis tarah ġham-ḳhāne pe pahuñchī to kuchh aayā jo ḳhayāl

    chūḌiyāñ chhoḌ diiñ chhāgal bhī hañsī chhānā-chhanak

    fikr hai aa.ī to hai niiñd gomātī hai

    chūḌiyāñ bajtī haiñ chhāgal sadā aatī hai

    chuDiyan bajti hain chhagal ki sada aati hai

    fart-e-betabi se uTh uTh ke nazar baiTh gai

    tham kar aas har aahaT pe jigar baiTh gai

    mera gham-KHana ibarat raha tariki se

    mauj-e-mahtab kahan KHak-ba-sar baiTh gai

    shabnam-alud hua jata hai shab ka daman

    tare chamke hain ki ab gard-e-safar baiTh gai

    bhigti raat naha kar mere ashk-e-KHun mein

    jaane ko uTThi hi thi uTh ke magar baiTh gai

    us ne dekha ki meri rani lajati aai

    aankhen malti hui fitnon ko jagati aai

    sar se Dhalka hua aanchal shikan-alud libas

    chhaDi aankhon mein machalti hui nindon ki jhalak

    so gai thi zara KHud sab ko sulate shayad

    nind kachchi thi ki di wade ne dil par dastak

    chaunk kar uTThi to dekha ki sitare ban kar

    auj-e-aflak pe hai mang ki afshan ki damak

    shisha-e-mah se chhalak kar mai-e-tund-o-be-dard

    us ke mathe se chura leti hai sone ki Dalak

    chuDiyan hathon mein thame chali haule haule

    kar de ghammazi mubaada kahin chhagal ki chhanak

    surKHi Tike ki jabin par zara phaili phaili

    jis tarah jam se kuchh thoDi si mai jae chhalak

    zulfen yun chehre pe bikhri hui mangen thin dil

    jis tarah ek khilaune pe miTen do baalak

    jis tarah gham-KHane pe pahunchi to kuchh aaya jo KHayal

    chuDiyan chhoD din chhagal bhi hansi chhana-chhanak

    fikr hai aai to hai nind ki gomati hai

    chuDiyan bajti hain chhagal ki sada aati hai

    Source :
    • Book : meri behtareen nazam (Pg. 110)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now