aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bambai raat samundar

Ameeq Hanafi

bambai raat samundar

Ameeq Hanafi

MORE BYAmeeq Hanafi

    samundar boltā hai

    samundar apnī pur-asrār maujoñ zabāñ meñ boltā hai

    samundar sadā.eñ chiir detī haiñ shab-e-tārīk chādar

    ubal paḌtī haiñ

    tasalsul aur tavātur ke davā.ir meñ thiraktī haiñ

    suroñ ke daane ik tasbīh ban jaate haiñ ''lai'' ke narm hāthoñ meñ

    jo is āvāz ke jaadū ke bas meñ hote jaate haiñ

    samundar kinārā saleT hai jis par

    umaDtī Dūbtī lahreñ bikhar kar chhoḌ jaatī haiñ

    samundar chhīn ke iqlīdsī ḳhāke

    ajab andāz tajrīdī tasvīreñ

    mohan-jodāḌo se pahle ke rasm-ul-ḳhat tahrīreñ

    paḌe haiñ gate-way-of-india ke farsh par be-ghar bhikārī

    udhar haiñ kuchh juārī

    idhar ik happy laḌkī apne happy dost ke pahlū meñ simTī

    chilam dam lagātī hai

    surāġh-e-jannat-ul-maut ke tālib haiñ donoñ ek sādhū se

    hashīshī nashshe ke dariyā meñ ġhote khā rahe haiñ

    hashīshī nashshe mauj hai goyā samundar sadā bhī

    samundar siyāhī par vo piilī raushnī ke phuul

    jahāzoñ ne bikhere haiñ

    añdhere meñ nazar aatā nahīñ jin koī mastūl

    jahāz ārām karte haiñ

    jahāzī shahr ke ishrat-kadoñ meñ ġhota-zan hoñge

    hujūm-e-hashr-sāmāñ ke samundar meñ

    jahāzī chand qatroñ tarah ghul-mil ga.e hoñge

    yahāñ to nārsī-sas bhī kahīñ bhī ḳhud-girafta rah nahīñ saktā

    samundar chheḌtā hai sāhirāna simfanī jis meñ

    navājil devtāoñ ke azal-āsār shañkhoñ

    navājil deviyoñ ke mor-pañkhoñ

    sadā aapas meñ dhakkā mārtī muñh-zor maujoñ

    sadā sāhil chaTTānoñ se Takrātī huī pur-shor maujoñ

    sadā us shahr jo nashshe ke aalam meñ jaarī aur saarī hai

    sadā us shahr jis ke muqaddar meñ hai roz o shab bedārī

    sadā us shahr jis meñ daraḳhtoñ aur parindoñ se ziyāda aadmī hoñge

    sadā us shahr jis meñ ki insānoñ ke chhatte āsmāñ chhūte hue ma.alūm hote haiñ

    ubal paḌtā hai darvāzoñ se galiyoñ aur saḌkoñ ke muhānoñ se

    ik ādam-zād chyūñTī-dal

    jahāñ har-dam balā-raftār kāroñ aur basoñ ham-navā ban kar

    mashīneñ ahd-e-hāzir qasīda paḌhtī rahtī haiñ

    samundar ke kināre mashīnī shahr sāzīna hai

    jis par ātish o aahan ke naġhme raqs karte haiñ

    samundar ke kināre mard o zan ik samundar aur bhī hai

    samundar sadā meñ us samundar sadā.eñ Duub jaatī haiñ

    be-karānī sadā meñ

    samundar bolta hai

    samundar apni pur-asrar maujon ki zaban mein bolta hai

    samundar ki sadaen chir deti hain shab-e-tarik ki chadar

    ubal paDti hain

    tasalsul aur tawatur ke dawair mein thirakti hain

    suron ke dane ek tasbih ban jate hain lai ke narm hathon mein

    jo is aawaz ke jadu ke bas mein hote jate hain

    samundar ka kinara saleT hai jis par

    umaDti Dubti lahren bikhar kar chhoD jati hain

    samundar chhin ke iqlidsi KHake

    ajab andaz ki tajridi taswiren

    mohan-jodaDo se pahle ke rasm-ul-KHat ki tahriren

    paDe hain gate-way-of-india ke farsh par be-ghar bhikari

    udhar hain kuchh juari

    idhar ek happy laDki apne happy dost ke pahlu mein simTi

    chilam ka dam lagati hai

    suragh-e-jannat-ul-maut ke talib hain donon ek sadhu se

    hashishi nashshe ke dariya mein ghote kha rahe hain

    hashishi nashshe hi ki mauj hai goya samundar ki sada bhi

    samundar ki siyahi par wo pili raushni ke phul

    jahazon ne bikhere hain

    andhere mein nazar aata nahin jin ka koi mastul

    jahaz aaram karte hain

    jahazi shahr ke ishrat-kadon mein ghota-zan honge

    hujum-e-hashr-saman ke samundar mein

    jahazi chand qatron ki tarah ghul-mil gae honge

    yahan to narsi-sas bhi kahin bhi KHud-girafta rah nahin sakta

    samundar chheDta hai sahirana simfani jis mein

    nawajil dewtaon ke azal-asar shankhon ki

    nawajil dewiyon ke mor-pankhon ki

    sada aapas mein dhakka marti munh-zor maujon ki

    sada sahil ki chaTTanon se Takraati hui pur-shor maujon ki

    sada us shahr ki jo nashshe ke aalam mein jari aur sari hai

    sada us shahr ki jis ke muqaddar mein hai roz o shab ki bedari

    sada us shahr ki jis mein daraKHton aur parindon se ziyaada aadmi honge

    sada us shahr ki jis mein ki insanon ke chhatte aasman chhute hue malum hote hain

    ubal paDta hai darwazon se galiyon aur saDkon ke muhanon se

    ek aadam-zad chyunTi-dal

    jahan har-dam bala-raftar karon aur bason ki ham-nawa ban kar

    mashinen ahd-e-hazir ka qasida paDhti rahti hain

    samundar ke kinare ka mashini shahr sazina hai

    jis par aatish o aahan ke naghme raqs karte hain

    samundar ke kinare mard o zan ka ek samundar aur bhi hai

    samundar ki sada mein us samundar ki sadaen Dub jati hain

    be-karani ki sada mein

    Source:

    Intekhaab amiiq hanfii (Pg. 48)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now