rab bhi taire jaisa hai man

shīrīñ nirmal jharne jaisī

ThanDī taaza havā ke aisī

rim-jhim aur barkhā kī tarah tū

sūraj aur chandā sī saḳhī hai

jaltī dhuup meñ bādal hai tū

rab ke pyaar kī chhāgal hai tū

haañ maañ bilkul aisī hai tū

to siitā to mariyam hai maañ

rābiya aur safiya hai

tū hai yashodhā tū hai halīma

zainab tū hai fātima hai tū

pārvatī aur devkī hai

aamna aur havvā hai tū

ye dhartī ye duniyā tujh se

duniyā kī sab raunaq tujh se

tū duniyā kī mālik hai

ye duniyā terī hai maañ

tū ne ham ko kyā kyā baḳhshe

pair payambar bhaa.ī dost

aur phūloñ sī bahnā dī

har sukh aur har ġham kī sāthī

bilkul apnī hī jaisī

mahbūba bhī tū ne dī

tū sach-much devī hai maañ

saare rishte naate tujh se

rishtoñ kī jananī hai tū

haañ maañ bilkul aisī hai tū

tū hai karīm aur tū hai halīm

ḳhāliq tū hai rāziq hai tū

sattārī ġhaffārī tujh meñ

rahmat aur azmat kī mūrat

rab ke saare gun haiñ tujh meñ

maañ bilkul tū rab jaisī hai

yā shāyad rab tere jaisā

kyuuñ ki maañ ab rab bhī to

terī tarah majbūr bahut hai

apnoñ ke zaḳhmoñ se vo bhī

lagtā hai ki chor bahut hai

maañ bilkul tū rab jaisī hai

yā shāyad rab tere jaisā

shirin nirmal jharne jaisi

ThanDi taza hawa ke aisi

rim-jhim aur barkha ki tarah tu

suraj aur chanda si saKHi hai

jalti dhup mein baadal hai tu

rab ke pyar ki chhagal hai tu

han man bilkul aisi hai tu

to sita to mariyam hai man

rabiya aur safiya hai

tu hai yashodha tu hai halima

zainab tu hai fatima hai tu

parwati aur dewki hai

aamna aur hawwa hai tu

ye dharti ye duniya tujh se

duniya ki sab raunaq tujh se

tu duniya ki malik hai

ye duniya teri hai man

tu ne hum ko kya kya baKHshe

pair payambar bhai dost

aur phulon si bahna di

har sukh aur har gham ki sathi

bilkul apni hi jaisi

mahbuba bhi tu ne di

tu sach-much dewi hai man

sare rishte nate tujh se

rishton ki janani hai tu

han man bilkul aisi hai tu

tu hai karim aur tu hai halim

KHaliq tu hai raaziq hai tu

sattari ghaffari tujh mein

rahmat aur azmat ki murat

rab ke sare gun hain tujh mein

man bilkul tu rab jaisi hai

ya shayad rab tere jaisa

kyun ki man ab rab bhi to

teri tarah majbur bahut hai

apnon ke zaKHmon se wo bhi

lagta hai ki chor bahut hai

man bilkul tu rab jaisi hai

ya shayad rab tere jaisa