aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raftagan

Aziz Qaisi

raftagan

Aziz Qaisi

MORE BYAziz Qaisi

    tum yahāñ so jaao

    tum ko ye jagah bhī gar na miltī tum gila ham se na karte

    ham tumhāre saath kuchh miTTī diye jaate haiñ

    isī miTTī se ab ham-rañg ho jaao

    ye sannāTā tumhāre saath hai ab is se ham-āhañg ho jaao

    tumhāre chāñd sūraj mar chuke haiñ

    tumhārī raushnī

    zulmat

    umiid o nā-umīdī

    naav kāġhaz

    gharauñde ret ke

    bachpan javānī, umr ik ek lamha

    tum jo murda aur zinda chhoḌe jaate ho

    vo ham auroñ ko de deñge

    akele jis tarah aa.e ho tum vo sab bhī ā.eñge yahāñ tak

    sab ye varna chhoḌ jā.eñge!

    koī rahzan bane raah roke

    ham-safar ho koī rasta dikhā.e

    apnā rasta sab ko tanhā paar karnā hai

    hamārā kaam suulī par chaḌhānā hai so ham karte haiñ

    lekin bojh suulī tumheñ ko hai uThānā

    tum yahāñ so jaao

    apnā bojh uThā.e ham bhī ā.eñge

    hamāre chāñd sūraj bhī mareñge!

    tum yahan so jao

    tum ko ye jagah bhi gar na milti tum gila hum se na karte

    hum tumhaare sath kuchh miTTi diye jate hain

    isi miTTi se ab ham-rang ho jao

    ye sannaTa tumhaare sath hai ab is se ham-ahang ho jao

    tumhaare chand suraj mar chuke hain

    tumhaari raushni

    zulmat

    umid o na-umidi

    naw kaghaz ki

    gharaunde ret ke

    bachpan jawani, umr ka ek ek lamha

    tum jo murda aur zinda chhoDe jate ho

    wo hum auron ko de denge

    akele jis tarah aae ho tum wo sab bhi aaenge yahan tak

    sab ye warna chhoD jaenge!

    koi rahzan bane ya rah roke

    ham-safar ho ya koi rasta dikhae

    apna rasta sab ko tanha par karna hai

    hamara kaam suli par chaDhana hai so hum karte hain

    lekin bojh suli ka tumhein ko hai uThana

    tum yahan so jao

    apna bojh uThae hum bhi aaenge

    hamare chand suraj bhi marenge!

    Source:

    aaina dar aaina (Pg. 109)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now