rah-zani KHub nahin KHwaja-saraon ke liye

rahzanī ḳhuub nahīñ ḳhvāja-sarāoñ ke liye

shor pāyal kā sar-e-rāh na rusvā kar de

haath uTheñge to kañgan kī sadā aa.egī

tīrgī fitna-e-shahvat ko havā detī hai

chāndnī raqs pe majbūr kiyā kartī hai

narm resham se bune shoḳh dupaTToñ kī qasam

log luTne ko sar-e-rāh chale ā.eñge

is qadar ā.eñge bhar jā.egā phir raat kā dil

saḳht lahja gul-e-naġhma meñ badal jā.egā

ḳhuuñ bahāne ke evaz itr-fishānī hogī

hosh aa.egā to bikhre paḌe hoñge ghuñgrū

sub.h phir chaak libāsoñ kā tamāshā hogā

rahzanī ḳhuub nahīñ ḳhvāja-sarāoñ ke liye

rahzani KHub nahin KHwaja-saraon ke liye

shor payal ka sar-e-rah na ruswa kar de

hath uThenge to kangan ki sada aaegi

tirgi fitna-e-shahwat ko hawa deti hai

chandni raqs pe majbur kiya karti hai

narm resham se bune shoKH dupaTTon ki qasam

log luTne ko sar-e-rah chale aaenge

is qadar aaenge bhar jaega phir raat ka dil

saKHt lahja gul-e-naghma mein badal jaega

KHun bahane ke ewaz itr-fishani hogi

hosh aaega to bikhre paDe honge ghungru

subh phir chaak libason ka tamasha hoga

rahzani KHub nahin KHwaja-saraon ke liye