rakhwala sher

jangal kā rakhvālā sher

sab kā dekhā bhālā sher

hāthī gaiñDā is se ḳhush

chītā bhālū is se ḳhush

bandar totā bhī raazī

sāras kavvā bhī raazī

sab kā hī matvālā sher

jangal kā rakhvālā sher

jangal is ko bahut pasand

dekhe ye na har jā gand

kaam sabhī ke aa.e ye

pahlū nahīñ dikhā.e ye

jangal hī kā paalā sher

jangal kā rakhvālā sher

rahe kahāñ ranjīda ye

rahtā hai sanjīda ye

bhūkā gar rah jaa.e ye

kisī se maañg na khaa.e ye

yuuñ na paa.e nivāla sher

jangal kā rakhvālā sher

ḳhush-hālī sukh chain baḌā

jangal kā qānūn kaḌā

sab kī baat ye suntā hai

faisla tab hī kartā hai

gorā hai na kaalā sher

jangal kā rakhvālā sher

kahnā is kā māneñ sab

is ko raajā jāneñ sab

sab ke dil meñ rahtā hai

ġhaur kare jo kahtā hai

sune to sab kā naala sher

jangal kā rakhvālā sher

maano ik din aa.ī yahāñ

hirnī us ko laa.ī yahāñ

chītā shaah ko DhūñDe phir

aur gayā thā phir ye gir

bolā aap kī ḳhāla sher

jangal kā rakhvālā sher

jangal ka rakhwala sher

sab ka dekha bhaala sher

hathi gainDa is se KHush

chita bhaalu is se KHush

bandar tota bhi raazi

saras kawwa bhi raazi

sab ka hi matwala sher

jangal ka rakhwala sher

jangal is ko bahut pasand

dekhe ye na har ja gand

kaam sabhi ke aae ye

pahlu nahin dikhae ye

jangal hi ka pala sher

jangal ka rakhwala sher

rahe kahan ranjida ye

rahta hai sanjida ye

bhuka gar rah jae ye

kisi se mang na khae ye

yun na pae niwala sher

jangal ka rakhwala sher

KHush-haali sukh chain baDa

jangal ka qanun kaDa

sab ki baat ye sunta hai

faisla tab hi karta hai

gora hai na kala sher

jangal ka rakhwala sher

kahna is ka manen sab

is ko raja jaanen sab

sab ke dil mein rahta hai

ghaur kare jo kahta hai

sune to sab ka nala sher

jangal ka rakhwala sher

mano ek din aai yahan

hirni us ko lai yahan

chita shah ko DhunDe phir

aur gaya tha phir ye gir

bola aap ki KHala sher

jangal ka rakhwala sher