raqib

Meeraji

raqib

Meeraji

MORE BYMeeraji

    tumhī ko aaj mire rū-ba-rū bhī honā thā

    aur aise rañg meñ jis kabhī gumāñ bhī na ho

    nigāh tund ġhazabnāk dil kalām durusht

    chaman meñ jaise kisī bāġhbāñ āñkhoñ ne

    ravish ke saath nanhe se ek paude ko

    shagufta ho ke sañvarte nikharte dekhā ho

    mirī tumhārī kahānī yahī kahānī hai

    ravish par sar ko uThā.e har ek soch se duur

    maiñ apnī dhan meñ magan thā har taaza qadam

    mire ufuq pe chamakte hue sitāre

    har ik kiran ko mire paas laa.e jaatā thā

    mujhe na ḳhaar andesha thā na Thokar

    magar ye bhuul thī merī vo ḳhud-farāmoshī

    mire sāmne aa.ī hai aur sūrat meñ

    nigāh tund ġhazabnāk dil kalām durusht

    magar ab us zarūrat nahīñ maiñ sochtā huuñ

    tumhī ko aaj mire rū-ba-rū na honā thā

    jahāñ maiñ aur bhī the mujh se tum se baḌh ke kahīñ

    jo ajnabī the jinheñ ajnabī rahnā thā

    mujhe kisī ne batāyā hai aap ke ye dost

    hamesha raat ga.e apne ghar ko aate haiñ

    laboñ se siiTī bajāte haiñ gungunāte haiñ

    kisī aah kisī ke karam se miTtī hai

    maiñ tujh se kahtī huuñ bahnā ye kyā zamāna hai

    na apne naam kuchh paas hai na ghar laaj

    ga.e mahīne se har roz raat ko chhup kar

    hamārī biibī kisī mardue se miltī hai

    mujhe ye fikr nahīñ naukaroñ ko aadat hai

    ki par ko kavvā banāte haiñ raa.ī parbat

    bas ek dhyān kisī tiir tarah sīdhā

    ye soch ban ke mire dil meñ aa Thahartā hai

    yahī hai jis kabhī naam lājvantī thā

    tumhi ko aaj mere ru-ba-ru bhi hona tha

    aur aise rang mein jis ka kabhi guman bhi na ho

    nigah tund ghazabnak dil kalam durusht

    chaman mein jaise kisi baghban ki aankhon ne

    rawish ke sath hi nanhe se ek paude ko

    shagufta ho ke sanwarte nikharte dekha ho

    meri tumhaari kahani yahi kahani hai

    rawish par sar ko uThae har ek soch se dur

    main apni dhan mein magan tha har taza qadam

    mere ufuq pe chamakte hue sitare ki

    har ek kiran ko mere pas lae jata tha

    mujhe na KHar ka andesha tha na Thokar ka

    magar ye bhul thi meri wo KHud-faramoshi

    mere hi samne aai hai aur surat mein

    nigah tund ghazabnak dil kalam durusht

    magar ab us ki zarurat nahin main sochta hun

    tumhi ko aaj mere ru-ba-ru na hona tha

    jahan main aur bhi the mujh se tum se baDh ke kahin

    jo ajnabi the jinhen ajnabi hi rahna tha

    mujhe kisi ne bataya hai aap ke ye dost

    hamesha raat gae apne ghar ko aate hain

    labon se siTi bajate hain gungunate hain

    kisi ki aah kisi ke karam se miTti hai

    main tujh se kahti hun bahna ye kya zamana hai

    na apne nam ka kuchh pas hai na ghar ki laj

    gae mahine se har roz raat ko chhup kar

    hamari bibi kisi mardue se milti hai

    mujhe ye fikr nahin naukaron ko aadat hai

    ki par ko kawwa banate hain rai ka parbat

    bas ek dhyan kisi tir ki tarah sidha

    ye soch ban ke mere dil mein aa Thaharta hai

    yahi hai jis ka kabhi nam lajwanti tha

    Source :
    • Book : Pakistani Adab (Pg. 231)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY