raqs ke baad

bā’d-e-raqs us kī nazar

paḌ ga.ī jo paañv par

mor ashk-afshāñ huā

mornī ye dekh kar

pyaar se paas aa ga.ī

mor kī ġhamgīñ adā

mornī ko bhā ga.ī

saare aañsū mor ke

mornī ne pī liye

zaḳhm apne sī liye

is milan se diid se

ho ga.ī ummīd se

tā.er-e-ḳhush-rang kā

maslak-e-taḳhlīq bhī

kis qadar hai ḳhushnumā

aur har ik se judā

'krishn-mohan’ jānvar

jin meñ hai shāmil bashar

sab haiñ vaqf-e-iḳhtilāt

is samay mahv-e-nashāt

mor mustasnā magar

jis kā rūmānī milan

ashk-āvar ġham-asar

ba’d-e-raqs us ki nazar

paD gai jo panw par

mor ashk-afshan hua

morni ye dekh kar

pyar se pas aa gai

mor ki ghamgin ada

morni ko bha gai

sare aansu mor ke

morni ne pi liye

zaKHm apne si liye

is milan se did se

ho gai ummid se

taer-e-KHush-rang ka

maslak-e-taKHliq bhi

kis qadar hai KHushnuma

aur har ek se juda

'krishn-mohan’ jaanwar

jin mein hai shamil bashar

sab hain waqf-e-iKHtilat

is samay mahw-e-nashat

mor mustasna magar

jis ka rumani milan

ashk-awar gham-asar