raushni ki talash

mohabbat raushnī gītoñ kī ḳhushbū

tumhārī justujū meñ pur-fishāñ hai

ye lamha ajnabī manzil kā raahī

misāl-e-mauja-e-dariyā ravāñ hai

lab-o-gesū kī bhī ik intihā hai

lab-o-gesū kī bhī ik intihā hai

ġham-e-dil kī magar manzil kahāñ hai

na tanhā.ī ye sannāTā ye aañsū

tamannāoñ kī sham.oñ kī qatāreñ

diloñ ke zaḳhm yādoñ ke janāze

dahakte phuul kajlā.ī bahāreñ

ḳhalā meñ Dolte haiñ dukh ke saa.e

koī apnā nahīñ kis ko pukāreñ

dil-e-vīrāñ kā ik partav hai jis ne

jahāñ meñ shām-e-ġham kā naam paayā

kabhī jo dard kī shiddat se chīḳhe

to duniyā ne use ik giit samjhā

unhīñ chīḳhoñ meñ Dhālā maiñ ne tujh ko

unhīñ chīḳhoñ meñ tujh ko maiñ ne paayā

thiraktī raushnī kī chand lahreñ

bahaktī chāñdnī meñ ek saayā

mohabbat raushni giton ki KHushbu

tumhaari justuju mein pur-fishan hai

ye lamha ajnabi manzil ka rahi

misal-e-mauja-e-dariya rawan hai

lab-o-gesu ki bhi ek intiha hai

lab-o-gesu ki bhi ek intiha hai

gham-e-dil ki magar manzil kahan hai

na tanhai ye sannaTa ye aansu

tamannaon ki shamon ki qataren

dilon ke zaKHm yaadon ke janaze

dahakte phul kajlai bahaaren

KHala mein Dolte hain dukh ke sae

koi apna nahin kis ko pukaren

dil-e-viran ka ek partaw hai jis ne

jahan mein sham-e-gham ka nam paya

kabhi jo dard ki shiddat se chiKHe

to duniya ne use ek git samjha

unhin chiKHon mein Dhaala main ne tujh ko

unhin chiKHon mein tujh ko main ne paya

thirakti raushni ki chand lahren

bahakti chandni mein ek saya