reg-e-diroz

Noon Meem Rashid

reg-e-diroz

Noon Meem Rashid

MORE BYNoon Meem Rashid

    ham mohabbat ke ḳharāboñ ke makīñ

    vaqt ke tūl-e-alamnāk ke parvarda haiñ

    ek tārīk azal nūr-e-abad se ḳhālī

    ham jo sadiyoñ se chale haiñ to samajhte haiñ ki sāhil paayā

    apnī tahzīb pākobī hāsil paayā

    ham mohabbat ke nihāñ-ḳhānoñ meñ basne vaale

    apnī pāmālī ke afsānoñ pe hañsne vaale

    ham samajhte haiñ nishān-e-sar-e-manzil paayā

    ham mohabbat ke ke ḳharāboñ ke makīñ

    kunj-e-māzī meñ haiñ bārāñ-zada taa.ir tarah āsūda

    aur kabhī fitna-e-nāgāh se Dar kar chauñkeñ

    to raheñ sidd-e-nigāh niiñd ke bhārī parde

    ham mohabbat ke ḳharāboñ ke makīñ!

    aaise tārīk ḳharābe ki jahāñ

    duur se tez palaT jaa.eñ ziyā ke aahū

    ek bas ek sadā gūñjtī ho

    shab-e-ālām ''yāhū! yāhū''

    ham mohabbat ke ḳharāboñ ke makīñ

    reg-e-dīroz meñ ḳhvāboñ ke shajar bote rahe

    saaya nāpaid thā saa.e tamannā ke tale sote rahe

    hum mohabbat ke KHarabon ke makin

    waqt ke tul-e-alamnak ke parwarda hain

    ek tarik azal nur-e-abad se KHali

    hum jo sadiyon se chale hain to samajhte hain ki sahil paya

    apni tahzib ki pakobi ka hasil paya

    hum mohabbat ke nihan-KHanon mein basne wale

    apni pamali ke afsanon pe hansne wale

    hum samajhte hain nishan-e-sar-e-manzil paya

    hum mohabbat ke ke KHarabon ke makin

    kunj-e-mazi mein hain baran-zada tair ki tarah aasuda

    aur kabhi fitna-e-nagah se Dar kar chaunken

    to rahen sidd-e-nigah nind ke bhaari parde

    hum mohabbat ke KHarabon ke makin!

    aaise tarik KHarabe ki jahan

    dur se tez palaT jaen ziya ke aahu

    ek bas ek sada gunjti ho

    shab-e-alam ki yahu! yahu

    hum mohabbat ke KHarabon ke makin

    reg-e-diroz mein KHwabon ke shajar bote rahe

    saya napaid tha sae ki tamanna ke tale sote rahe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY