reprisal

isfanj numā jism phūle hue hoñge

murda machhlī ghaas ugal degī

ġhair mutavāzī aur ta.affun-zada ḳhaliyoñ ko

nāmyātī zarre chabā jā.eñge

jin se dhātī thakan kashīd kī jā.egī

kyā ham nahīñ jānte

haDDiyoñ aur nāḳhunoñ ke TukḌoñ se

ḳhudā-e-zard-rū apnī āḳhirī jañg ke vāste

kartōs aur gun powder banā rahā hai

ham yaqīnan be-ḳhabar haiñ

ḳhudā ke nathnoñ se bahtī vahshat kā irtikāz

aur mirrīḳhī bāshinde kī chīḳh ham par TuuT paḌegī

jīniyātī adam-e-taġhayyur ke bāvajūd paidā.eshī ma.azūr bachche ke liye

baukhalāhaT aur bad-hai.atī kā mahlūl piitī huī būḌhiyāñ

nahūsat ke avvalīñ dinoñ meñ

black widow kī raal se niilī rageñ kaat rahī hoñgī

bāñjh aurat kā tarāna hamārā qaumī giit hogā

ba.ad-az-marg hone vaalī saḳhtī kā virus

lams-ālūd a.azā ke shagāfoñ meñ kuud paḌegā

nākāra jahāz ke propeller ke mānind

yā phir

adheḌ umr kisān kī bad-duā meñ khanakte

mazmūm aur na.ash ḳhurda khet ke jaise

jism jin meñ shahvat kī miqdār sifar hai akaḌ jā.eñge

aur phir taḌāḳh se TuuT jā.eñge

ham vo murdār log haiñ jo samajhte the

hameñ synesthesia se najāt mil ga.ī thī

isfanj numa jism phule hue honge

murda machhli ghas ugal degi

ghair mutawazi aur taffun-zada KHaliyon ko

namyati zarre chaba jaenge

jin se dhati thakan kashid ki jaegi

kya hum nahin jaante

haDDiyon aur naKHunon ke TukDon se

KHuda-e-zard-ru apni aaKHiri jang ke waste

kartoos aur gun powder bana raha hai

hum yaqinan be-KHabar hain

KHuda ke nathnon se bahti wahshat ka irtikaz

aur mirriKHi bashinde ki chiKH hum par TuT paDegi

jiniyati adam-e-taghayyur ke bawajud paidaeshi mazur bachche ke liye

baukhalahaT aur bad-haiati ka mahlul piti hui buDhiyan

nahusat ke awwalin dinon mein

black widow ki ral se nili ragen kat rahi hongi

banjh aurat ka tarana hamara qaumi git hoga

baad-az-marg hone wali saKHti ka wirus

lams-alud aaza ke shagafon mein kud paDega

nakara jahaz ke propeller ke manind

ya phir

adheD umr kisan ki bad-dua mein khanakte

mazmum aur nash KHurda khet ke jaise

jism jin mein shahwat ki miqdar sifar hai akaD jaenge

aur phir taDaKH se TuT jaenge

hum wo murdar log hain jo samajhte the

hamein synesthesia se najat mil gai thi