ruh ka sitara

sitāre

tū ne dekhī hai fazā saare zamānoñ kī

sune haiñ tū ne

jo pahlī havā ne giit gaa.e the

tujhe ma.alūm hai

tālāb par kab hañs utre the

yahāñ jab nuur thā

aur nuur ke shaffāf saa.e the

tire siine pe raushan hai haqīqat sab fasānoñ kī

kahāñ hai kuchh batā mujh ko

vo malika dāstānoñ kī

kahāñ hai sūfiya vo raushnī un āsmānoñ kī

sitāre

tū ne dekhī hai fazā saare zamānoñ kī

sitare

tu ne dekhi hai faza sare zamanon ki

sune hain tu ne

jo pahli hawa ne git gae the

tujhe malum hai

talab par kab hans utre the

yahan jab nur tha

aur nur ke shaffaf sae the

tere sine pe raushan hai haqiqat sab fasanon ki

kahan hai kuchh bata mujh ko

wo malika dastanon ki

kahan hai sufiya wo raushni un aasmanon ki

sitare

tu ne dekhi hai faza sare zamanon ki