rup-nagar ki shahzadi

ḳhvāb ik ḳhvāb meñ jo dekhā hai

hai taḳhayyul kahāniyoñ jaisā

qissa-e-husn-o-ishq kī tamsīl

kākul-e-shab javāniyoñ jaisā

guzre vaqtoñ kī ik kavītā ho

ḳhālī mahloñ meñ DhūñDhtī ho kise

le ke hāthoñ meñ pyaar kī zanjīr

ḳhālī nazroñ se pūchhtī ho kise

niiñd meñ sochtī huī āñkheñ

jāgte meñ rahīñ jo soī sī

jaane kis samt chal paḌe haiñ qadam

bhūlī-bisrī adā vo khoī sī

jaane kyuuñ sukh na mil sakā tujh ko

ḳhālī jholī rahī vafāoñ kī

dil-e-barbād jheltā hī rahā

rut na badlī kabhī jafāoñ kī

log kahte haiñ husn kī tasvīr

aisī tasvīr jo adhūrī thī

fāsla rah gayā jo thā dil meñ

hāth-bhar kī faqat ye duurī thī

vaqt ke āsmān par jānam

taare angār se chamakte haiñ

yaad rakhtā hai un ko ek jahāñ

dāman-e-ishq par jo jalte haiñ

KHwab ek KHwab mein jo dekha hai

hai taKHayyul kahaniyon jaisa

qissa-e-husn-o-ishq ki tamsil

kakul-e-shab jawaniyon jaisa

guzre waqton ki ek kawita ho

KHali mahlon mein DhunDhti ho kise

le ke hathon mein pyar ki zanjir

KHali nazron se puchhti ho kise

nind mein sochti hui aankhen

jagte mein rahin jo soi si

jaane kis samt chal paDe hain qadam

bhuli-bisri ada wo khoi si

jaane kyun sukh na mil saka tujh ko

KHali jholi rahi wafaon ki

dil-e-barbaad jhelta hi raha

rut na badli kabhi jafaon ki

log kahte hain husn ki taswir

aisi taswir jo adhuri thi

fasla rah gaya jo tha dil mein

hath-bhar ki faqat ye duri thi

waqt ke aasman par jaanam

tare angar se chamakte hain

yaad rakhta hai un ko ek jahan

daman-e-ishq par jo jalte hain