saaton ka zindani

bus-stop par do minute kī mulāqāt

bas do minute kī

hālāñki is lambī muddat meñ kab nahīñ dekhā tumheñ

kab nahīñ milā

kal bhī bahut der tak bāteñ kiiñ ḳhvāboñ ke nagar meñ

ye kyā haal hai itne dinoñ kahāñ rahīñ vaġhaira vaġhaira

savāl ke samundar meñ saiñkaḌoñ lahreñ aa.iiñ

vahī purānī aadat ki kuchh batāyā kuchh nahīñ

phir ḳhāmoshī

ab jā.ūñ maiñ ghar aa.iye nā

horn ke shor meñ sab āvāz Duub ga.ī

kuchh der Thahro nā chalo nā library ke lawn meñ chal kar baiTheñ

koī bol rahā thā andar hī andar

achānak ghaḌī par nazar paḌī aur maiñ uchhal paḌā

rāsta bus Tram taxi logoñ kī bhiiḌ

Qalābāziyāñ khātā huā

office ke darvāze tak pahuñchā to yaad aayā

ki bus-stop par do minute kī mulāqāt

bus-stop par do minute ki mulaqat

bas do minute ki

haalanki is lambi muddat mein kab nahin dekha tumhein

kab nahin mila

kal bhi bahut der tak baaten kin KHwabon ke nagar mein

ye kya haal hai itne dinon kahan rahin waghaira waghaira

sawal ke samundar mein sainkaDon lahren aain

wahi purani aadat ki kuchh bataya kuchh nahin

phir KHamoshi

ab jaun main ghar aaiye na

horn ke shor mein sab aawaz Dub gai

kuchh der Thahro na chalo na library ke lawn mein chal kar baiThen

koi bol raha tha andar hi andar

achanak ghaDi par nazar paDi aur main uchhal paDa

rasta bus Tram taxi logon ki bhiD

Qalabaziyan khata hua

office ke darwaze tak pahuncha to yaad aaya

ki bus-stop par do minute ki mulaqat