sada waraq

is liye

aap ko bhejā thā

vo saada kāġhaz

ik koī harf munāsib sā

mayassar hī na thā

ajnabī jaise the andāz-e-taḳhātub saare

koī paikar bhī mirī soch sā

paikar hī na thā

kitne alqāb the

maiñ likkhā kiyā kaaTā kiyā

kitne aurāq maiñ

be-vaj.h yūñhī phāḌā kiyā

dil kī zid bartā huā lafz

na bartā jaa.e

ik alag sab se koī harf

tarāshā jaa.e

aap pābandī-e-ādāb kī sharteñ rakkheñ

dil girāñbārī-e-alfāz se uljhā jaa.e

sochte sochte bas saada varaq bhej diyā

aap hī likhiye ki kyā aap ko likkhā jaa.e

ik shikasta sā

purānā sā

adhūrā sā ye ḳhat

aaj paayā to udhaḌne lage Tāñke dil ke

dil pe likkhe the jo aurāq

vo sab phaaḌ diye

ek bas saada varaq saiñt ke rakkhā maiñ ne

is liye

aap ko bheja tha

wo sada kaghaz

ek koi harf munasib sa

mayassar hi na tha

ajnabi jaise the andaz-e-taKHatub sare

koi paikar bhi meri soch sa

paikar hi na tha

kitne alqab the

main likkha kiya kaTa kiya

kitne auraq main

be-wajh yunhi phaDa kiya

dil ki zid barta hua lafz

na barta jae

ek alag sab se koi harf

tarasha jae

aap pabandi-e-adab ki sharten rakkhen

dil giranbari-e-alfaz se uljha jae

sochte sochte bas sada waraq bhej diya

aap hi likhiye ki kya aap ko likkha jae

ek shikasta sa

purana sa

adhura sa ye KHat

aaj paya to udhaDne lage Tanke dil ke

dil pe likkhe the jo auraq

wo sab phaD diye

ek bas sada waraq saint ke rakkha main ne