sadiqin

Sidra Afzal

sadiqin

Sidra Afzal

MORE BYSidra Afzal

    tum ThiThurtī guzartī hoī shaam mad-bharī raushnī se

    churā.e hue chaar pal kathā

    sun sako to suno

    sādiqīn ik galī meñ khaḌā thā

    nasq-o-tā'līq uljhanoñ meñ ghirī zindagī

    ik galī

    jis ke chāroñ taraf

    hasratoñ ḳhat-e-nasḳh

    fiisā ġhauris ke mas.aloñ meñ uljhā huā

    lā-sa.ī paḌh rahā thā

    sādqīnī farāsat riyāzat manzil pe faa.ez ibādat ras rahī thī

    chāñd gardisheñ puurī hone na paa.ī thiiñ us raat bhī

    jab use us ke fan ne

    ḳhudāvand se mahv-e-suḳhan dekh kar

    ek bhar puur ta.azīmī sajda kiyā

    nuqra.ī raushnī us ke māthe se phūTī thī jis ne galī ko mo.attar kiyā

    nasq-o-tā'līq uljhanoñ meñ ghirī zindagī ik galī

    jis ke duujī taraf

    ilm-o-irfān ke shāḳh imkān ke dā.ere ban chuke hāshiye lag chuke the

    magar vo ilāhī-sifat painT botaleñ kāġhazoñ par uñDele hue

    naqsh-gardī meñ khoyā rahā

    use is se matlab kyā thā ki kaun us ke khīñche hue ik sulus hāshiye tak pahuñchne ḳhātir mare rahā hai

    magar raat ke ik pahar

    chāñd jab bādaloñ meñ chhupā

    ahrman ne kahā

    merā ik naqsh bhī bikne vaalā nahīñ

    to ab aisā karo us har qaus par ism-e-āzam likho

    aur phir sālhā-sāl tak

    sādiqīn ism-e-āzam banā

    painT Dibiyoñ par use phūñkā jaatā rahā

    naqsh-gar ism-e-āzam chhallā pahan kar usī naam vird karte rahe

    be-zabāñ canvas har ik qaus meñ rañg bharte rahe

    aql-o-vijdān rāgnī jis ko shab bāñsurī ne dinoñ ko sadā.eñ lagāte hue pairahan kar liyā sādiqīn us ke sur se na.e raag ījād kartā rahā

    us panting meñ ruumī ke aflāk

    aise zamīñ-bos the jaise cactus ḳhud apne māhaul se laḌ-jhagaḌ ret vādiyoñ meñ binā bārishoñ ke harā rañg oḌhe rahe

    magar rafta rafta dinoñ masāfat

    ne us ko magan kar diyā

    vo rañgoñ bhare kār-ḳhāne meñ ḳhālī nigāhoñ se bas canvas ko taktā rahā ab jahāñ kuchh na thā

    na taḳhlīq te na tartīb be

    na rañgoñ re na kārī-garī vo ye

    bas talātum ḳhayāloñ ḳhe

    zulf-e-ishkāl shānoñ pa bikhrī huī

    johd-e-mismār chādar meñ lipTī hoī

    be-sabātī farāmoshiyoñ ḳhabar

    nastālīqī lakīroñ meñ uljhī huī zindagī

    sādiqīnī safar

    tum ThiThurti guzarti hoi sham ki mad-bhari raushni se

    churae hue chaar pal ki katha

    sun sako to suno

    sadiqin ek gali mein khaDa tha

    nasq-o-ta'liq ki uljhanon mein ghiri zindagi

    ek gali

    jis ke chaaron taraf

    hasraton ka KHat-e-nasKH

    fisa ghauris ke masalon mein uljha hua

    la-sai paDh raha tha

    sadqini farasat riyazat ki manzil pe faez ibaadat ka ras pi rahi thi

    chand ki gardishen puri hone na pai thin us raat bhi

    jab use us ke fan ne

    KHudawand se mahw-e-suKHan dekh kar

    ek bhar pur tazimi sajda kiya

    nuqrai raushni us ke mathe se phuTi thi jis ne gali ko moattar kiya

    nasq-o-ta'liq ki uljhanon mein ghiri zindagi ek gali

    jis ke duji taraf

    ilm-o-irfan ke shaKH imkan ke daere ban chuke hashiye lag chuke the

    magar wo ilahi-sifat painT ki botalen kaghazon par unDele hue

    naqsh-gardi mein khoya raha

    use is se matlab hi kya tha ki kaun us ke khinche hue ek sulus hashiye tak pahunchne ki KHatir mare ja raha hai

    magar raat ke ek pahar

    chand jab baadalon mein chhupa

    ahrman ne kaha

    mera ek naqsh bhi bikne wala nahin

    to ab aisa karo us ki har qaus par ism-e-azam likho

    aur phir salha-sal tak

    sadiqin ism-e-azam bana

    painT ki Dibiyon par use phunka jata raha

    naqsh-gar ism-e-azam ka chhalla pahan kar usi nam ka wird karte rahe

    be-zaban canwas ki har ek qaus mein rang bharte rahe

    aql-o-wijdan ki ragni jis ko shab bansuri ne dinon ko sadaen lagate hue pairahan kar liya sadiqin us ke sur se nae rag ijad karta raha

    us ki panting mein rumi ke aflak

    aise zamin-bos the jaise cactus KHud apne hi mahaul se laD-jhagaD ret ki wadiyon mein bina barishon ke hara rang oDhe rahe

    magar rafta rafta dinon ki masafat

    ne us ko magan kar diya

    wo rangon bhare kar-KHane mein KHali nigahon se bas canwas ko hi takta raha ab jahan kuchh na tha

    na taKHliq ki te na tartib ki be

    na rangon ka re na kari-gari ki wo ye

    bas talatum KHayalon ki KHe

    zulf-e-ishkal shanon pa bikhri hui

    johd-e-mismar chadar mein lipTi hoi

    be-sabaati faramoshiyon ki KHabar

    nastaliqi lakiron mein uljhi hui zindagi

    sadiqini safar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY