sal-e-nau

nayā din hai na.e andāz se mahfil meñ jaam aa.e

ki sāġhar kī khanak meñ zauq-e-mastī kā payām aa.e

ki sāġhar kī khanak meñ zauq-e-mastī kā payām aa.e

mire yās-āfrīñ dil meñ na.ī ummīd paidā ho

shikast-e-tauba bhī ham-rañg-e-tajdīd-e-tamannā ho

mirī afsurdagī chhup jaa.e hoñToñ ke tabassum meñ

sukūt-e-zindagānī jazb ho jaa.e tarannum meñ

ragoñ meñ ḳhuun ke badle mai-e-do-ātisha bhar de

sadā-e-zindagānī ko hadīs-e-rang-o-bū kar de

ḳhizāñ-nā-āshnā.ī ho bahār-e-naujavānī meñ

hayāt-e-jāvedānī ke maze hoñ zindagānī meñ

mujhe le jaa.e manzil hī kī jānib laġhzish-e-pā bhī

ki be-hoshī ke parde meñ rahe hosh-e-tamannā bhī

uThā sāġhar ki phir bāb-e-tamannā baaz hai saaqī

uThā sāġhar ki duniyā kā nayā andāz hai saaqī

naya din hai nae andaz se mahfil mein jam aae

ki saghar ki khanak mein zauq-e-masti ka payam aae

ki saghar ki khanak mein zauq-e-masti ka payam aae

mere yas-afrin dil mein nai ummid paida ho

shikast-e-tauba bhi ham-rang-e-tajdid-e-tamanna ho

meri afsurdagi chhup jae honTon ke tabassum mein

sukut-e-zindagani jazb ho jae tarannum mein

ragon mein KHun ke badle mai-e-do-atisha bhar de

sada-e-zindagani ko hadis-e-rang-o-bu kar de

KHizan-na-ashnai ho bahaar-e-naujawani mein

hayat-e-jawedani ke maze hon zindagani mein

mujhe le jae manzil hi ki jaanib laghzish-e-pa bhi

ki be-hoshi ke parde mein rahe hosh-e-tamanna bhi

uTha saghar ki phir bab-e-tamanna baz hai saqi

uTha saghar ki duniya ka naya andaz hai saqi