sal-girah ki raat

Noon Meem Rashid

sal-girah ki raat

Noon Meem Rashid

MORE BYNoon Meem Rashid

    aaj darvāze khule rahne do

    yaad aag dahak uTThī hai

    shāyad is raat hamāre shohdā aa jaa.eñ

    aaj darvāze khule rahne do

    jānte ho kabhī tanhā nahīñ chalte haiñ shahīd?

    maiñ ne dariyā ke kināre jo pare dekhe haiñ

    jo charāġhoñ laveñ dekhīñ haiñ

    vo laveñ boltī thiiñ zinda zabānoñ tarah

    maiñ ne sarhad pe vo naġhmāt sune haiñ ki jinheñ

    kaun gā.egā shahīdoñ ke sivā?

    maiñ ne hoñToñ pe tabassum na.ī tez chamak dekhī hai

    nuur jis thā halāvat se sharābor

    azānoñ tarah!

    abhī sarhad se maiñ lauTā huuñ abhī,

    maiñ abhī haañp rahā huuñ mujhe dam lene do

    raaz vo un nigāhoñ meñ nazar aayā hai

    jo hama-gīr thā nādīda zamānoñ tarah!

    yaad aag dahak uTThī hai

    sab tamannāoñ ke shahroñ meñ dahak uTThī hai

    aaj darvāze khule rahne do

    shāyad is raat hamāre shohdā aa jā.eñ!

    vaqt ke paañv ulajh jaate haiñ āvāz zanjīroñ se

    un jhankār se ḳhud vaqt jhanak uThtā hai

    naġhma martā hai kabhī, naala bhī martā hai kabhī?

    sansanāhaT kabhī jaatī hai mohabbat ke bujhe tīroñ se?

    maiñ ne dariyā ke kināre unheñ yuuñ dekhā hai

    maiñ ne jis aan meñ dekhā hai unheñ

    shāyad is raat,

    is shaam hii,

    darvāzoñ pe dastak deñge!

    shohdā itne subuk-pā haiñ ki jab ā.eñge

    na kisī so.e parinde ko ḳhabar tak hogī

    na daraḳhtoñ se kisī shāḳh ke girne sadā gūñjegī

    phaḌphaḌāhaT kisī zambūr bhī kam sunā.ī degī

    aaj darvāze khule rahne do!

    abhī sarhad se maiñ lauTā huuñ abhī

    paar jo guzregī us hameñ ġham kyuuñ ho?

    paar kyā guzregī ma.alūm nahīñ

    ek shab jis meñ

    pareshānī-e-ālām se rūhoñ pe girānī taarī

    rūheñ sunsān yatīm

    un pe hamesha jafā.eñ bhārī

    bū-e-kāfūr agar baste gharoñ se jaarī

    be-panāh ḳhauf meñ rūyā-e-shikasta fuġhāñ uTThegī

    bujhtī sham.oñ dhuāñ uTThegā

    paar jo guzregī ma.alūm nahīñ

    apne darvāze khule rahne do

    aaj darwaze khule rahne do

    yaad ki aag dahak uTThi hai

    shayad is raat hamare shohda aa jaen

    aaj darwaze khule rahne do

    jaante ho kabhi tanha nahin chalte hain shahid?

    main ne dariya ke kinare jo pare dekhe hain

    jo charaghon ki lawen dekhin hain

    wo lawen bolti thin zinda zabanon ki tarah

    main ne sarhad pe wo naghmat sune hain ki jinhen

    kaun gaega shahidon ke siwa?

    main ne honTon pe tabassum ki nai tez chamak dekhi hai

    nur jis ka tha halawat se sharabor

    azanon ki tarah!

    abhi sarhad se main lauTa hun abhi,

    main abhi hanp raha hun mujhe dam lene do

    raaz wo un ki nigahon mein nazar aaya hai

    jo hama-gir tha nadida zamanon ki tarah!

    yaad ki aag dahak uTThi hai

    sab tamannaon ke shahron mein dahak uTThi hai

    aaj darwaze khule rahne do

    shayad is raat hamare shohda aa jaen!

    waqt ke panw ulajh jate hain aawaz ki zanjiron se

    un ki jhankar se KHud waqt jhanak uThta hai

    naghma marta hai kabhi, nala bhi marta hai kabhi?

    sansanahaT kabhi jati hai mohabbat ke bujhe tiron se?

    main ne dariya ke kinare unhen yun dekha hai

    main ne jis aan mein dekha hai unhen

    shayad is raat,

    is sham hi,

    darwazon pe dastak denge!

    shohda itne subuk-pa hain ki jab aaenge

    na kisi soe parinde ko KHabar tak hogi

    na daraKHton se kisi shaKH ke girne ki sada gunjegi

    phaDphaDahaT kisi zambur ki bhi kam hi sunai degi

    aaj darwaze khule rahne do!

    abhi sarhad se main lauTa hun abhi

    par jo guzregi us ka hamein gham hi kyun ho?

    par kya guzregi malum nahin

    ek shab jis mein

    pareshani-e-alam se ruhon pe girani tari

    ruhen sunsan yatim

    un pe hamesha ki jafaen bhaari

    bu-e-kafur agar baste gharon se jari

    be-panah KHauf mein ruya-e-shikasta ki fughan uTThegi

    bujhti shamon ka dhuan uTThega

    par jo guzregi malum nahin

    apne darwaze khule rahne do

    Videos
    This video is playing from YouTube

    Videos
    This video is playing from YouTube

    Zia Mohyeddin

    Zia Mohyeddin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY