salgirah

Akhtar Payami

salgirah

Akhtar Payami

MORE BY Akhtar Payami

    kaun gustāḳh hai kyā naam hai kyuuñ aayā hai

    pahre vaalo use ḳhanjar anī se roko

    apnī bandūqoñ naalī se Darāo us ko

    aur us par jo na maane use topoñ salāmī de do

    jashn din hai mirī sālgirah din hai

    aaj mahloñ meñ jaleñge mah-o-anjum ke charāġh

    aaj bujhte hue chehroñ zarūrat kyā hai

    aaj māyūs nigāhoñ zarūrat kyā hai

    kaun bebāk hai baḌhtā chalā aatā hai

    pahre vaalo use ḳhanjar anī se roko

    aadmī hai ki mirā vahm hai aaseb hai ye

    us ke chehre pe to zaḳhmoñ ke nishāñ tak bhī nahīñ

    goliyāñ us ke siyah siine se Takrā ke chalī aatī haiñ

    us ke hoñToñ pe tabassum hai ki muñh khole hue

    azhdahā taḳht nigalne ko chalā aatā hai

    maut kis bhes meñ aa.ī hai mujhe lene ko

    aaj kyuuñ aa.ī hai kyuuñ aa.ī hai kyuuñ aa.ī hai

    maiñ tujhe gauhar-o-almās diye detā huuñ

    tere ThiThure hue hāthoñ ko harārat dūñgā

    jashn din hai mirī sālgirah din hai

    kaun ho kaun ho tum

    ai ġharīboñ ke ḳhudāvand amīroñ ke rafīq

    maiñ samajhtā thā mujhe aap na pahchāneñge

    maiñ ne añgrez jailoñ meñ javānī kaaTī

    maiñ ne ThiThure hue hāthoñ se jalā.e haiñ diye

    jin lau aaj bhī tūfānoñ se Takrātī hai

    jin ko añgrez phūñkoñ ne bujhānā chāhā

    aur ḳhud un zabāñ jal ke siyah-fām huī

    vo diye aaj bhī bar-laūñ chīḳhoñ se laḌe jaate haiñ

    aap ko yaad na hogā shāyad

    kaun ho kaun ho tum

    maiñ ne tārīḳh lahroñ meñ ravānī de

    maiñ ne būḌhoñ rag-o-pai meñ javānī de

    maiñ ne jhukte hue shānoñ ko tavānā.ī

    kār-ḳhāne mirī āvāz se bedār hue

    aur ik merī āvāz nahīñ gūñjī thī

    saikḌoñ vaqt se haare hue insān uThe

    kuhra-e-vaqt pe chhāne ke liye

    kaun ho kaun ho tum

    aurāq meñ nahīñ aayā huuñ

    saikḌoñ vaqt ke maare hue insān bhī haiñ

    saikḌoñ vaqt pe chhā.e hue insān bhī haiñ

    kaun ho kaun ho tum

    aaj bhī ketiyoñ meñ bhuuk ugā kartī hai

    kār-ḳhānoñ meñ dhueñ ke bādal

    tauq aur āhanī zanjīroñ meñ Dhal jaate haiñ

    kaun ho kaun ho tum

    aap insān azmat pe yaqīñ rakhte haiñ

    aap ke hukm ne kitnoñ zabāneñ diiñ

    aap mumlikat adl meñ kitne bīmār

    qaid-e-tanhā.ī meñ dam toḌ chuke

    kaun ho kaun ho tum

    aap beḌiyāñ afrād ko pāband banā saktī haiñ

    aap beḌiyāñ insān ko pāband nahīñ kar saktīñ

    kal yahī sham.a jo siine meñ farozāñ hai aaj

    aap ke saare tilismāt jalā Dālegī

    kal unhīñ khetoñ meñ ujḌe hue khaliyānoñ meñ

    sāl-hā-sāl pāmāl zamīñ

    apne siine ke ḳhazānoñ ko luTātī hogī

    kār-ḳhāne bhī siyahkār ḳhudāoñ se rihā.ī kar

    lākhoñ insānoñ taskīn sāmāñ hoñge

    ik na.e ahd na.ī ziist unvāñ hoñge

    aur phir vaqt bebāk mo.arriḳh aa kar

    surḳh parcham ko salāmī degā

    kaun ho kaun ho tum

    bhārdvāj

    kaun gustaKH hai kya nam hai kyun aaya hai

    pahre walo use KHanjar ki ani se roko

    apni banduqon ki nali se Darao us ko

    aur us par jo na mane use topon ki salami de do

    jashn ka din hai meri salgirah ka din hai

    aaj mahlon mein jalenge mah-o-anjum ke charagh

    aaj bujhte hue chehron ki zarurat kya hai

    aaj mayus nigahon ki zarurat kya hai

    kaun bebak hai baDhta hi chala aata hai

    pahre walo use KHanjar ki ani se roko

    aadmi hai ki mera wahm hai aaseb hai ye

    us ke chehre pe to zaKHmon ke nishan tak bhi nahin

    goliyan us ke siyah sine se Takra ke chali aati hain

    us ke honTon pe tabassum hai ki munh khole hue

    azhdaha taKHt nigalne ko chala aata hai

    maut kis bhes mein aai hai mujhe lene ko

    aaj kyun aai hai kyun aai hai kyun aai hai

    main tujhe gauhar-o-almas diye deta hun

    tere ThiThure hue hathon ko hararat dunga

    jashn ka din hai meri salgirah ka din hai

    kaun ho kaun ho tum

    ai gharibon ke KHudawand amiron ke rafiq

    main samajhta tha mujhe aap na pahchanenge

    main ne angrez ki jailon mein jawani kaTi

    main ne ThiThure hue hathon se jalae hain diye

    jin ki lau aaj bhi tufanon se Takraati hai

    jin ko angrez ki phunkon ne bujhana chaha

    aur KHud un ki zaban jal ke siyah-fam hui

    wo diye aaj bhi bar-laun ki chiKHon se laDe jate hain

    aap ko yaad na hoga shayad

    kaun ho kaun ho tum

    main ne tariKH ki lahron mein rawani de di

    main ne buDhon ki rag-o-pai mein jawani de di

    main ne jhukte hue shanon ko tawanai di

    kar-KHane meri aawaz se bedar hue

    aur ek meri hi aawaz nahin gunji thi

    saikDon waqt se haare hue insan uThe

    kuhra-e-waqt pe chhane ke liye

    kaun ho kaun ho tum

    auraq mein hi nahin aaya hun

    saikDon waqt ke mare hue insan bhi hain

    saikDon waqt pe chhae hue insan bhi hain

    kaun ho kaun ho tum

    aaj bhi ketiyon mein bhuk uga karti hai

    kar-KHanon mein dhuen ke baadal

    tauq aur aahani zanjiron mein Dhal jate hain

    kaun ho kaun ho tum

    aap insan ki azmat pe yaqin rakhte hain

    aap ke hukm ne kitnon ki zabanen si din

    aap ki mumlikat adl mein kitne bimar

    qaid-e-tanhai mein dam toD chuke

    kaun ho kaun ho tum

    aap ki beDiyan afrad ko paband bana sakti hain

    aap ki beDiyan insan ko paband nahin kar saktin

    kal yahi shama jo sine mein farozan hai aaj

    aap ke sare tilismat jala Dalegi

    kal unhin kheton mein ujDe hue khaliyanon mein

    sal-ha-sal ki pamal zamin

    apne sine ke KHazanon ko luTati hogi

    kar-KHane bhi siyahkar KHudaon se rihai pa kar

    lakhon insanon ki taskin ka saman honge

    ek nae ahd nai zist ka unwan honge

    aur phir waqt ka bebak moarriKH aa kar

    surKH parcham ko salami dega

    kaun ho kaun ho tum

    bhaardwaj

    Source:

    • Book : Aina Khane (Pg. 204)
    • Author : Akhtar payami
    • Publication : Zain Publications (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY