saman diwali ka

Nazeer Akbarabadi

saman diwali ka

Nazeer Akbarabadi

MORE BYNazeer Akbarabadi

    har ik makāñ meñ jalā phir diyā divālī

    har ik taraf ko ujālā huā divālī

    sabhī ke dil meñ samāñ bhā gayā divālī

    kisī ke dil ko mazā ḳhush lagā dīvālī

    ajab bahār hai din banā divālī

    jahāñ meñ yaaro ajab tarah hai ye tyauhār

    kisī ne naqd liyā aur koī kare hai udhār

    khilaune kheloñ batāshoñ garm hai bāzār

    har ik dukāñ meñ charāġhoñ ho rahī hai bahār

    sabhoñ ko fikr hai ab jā-ba-jā divālī

    miThā.iyoñ dukāneñ lagā ke halvā.ī

    pukārte haiñ ki ''lā laa! divālī hai ā.ī''

    batāshe le koī barfī kisī ne tulvā.ī

    khilaune vāloñ in se ziyāda bin aa.ī

    goyā unhoñ ke vaañ raaj aa gayā divālī

    siraf harām kauḌī jin hai bevpār

    unhoñ ne khāyā hai is din ke vāste hai udhār

    kahe hai hañs ke qaraz-ḳhvāh se har ik ik baar

    divālī aa.ī hai sab de dilā.eñge ai yaar

    ḳhudā ke fazl se hai aasrā divālī

    makān lep ke Thaliyā jo korī rakhavā.ī

    jalā charāġh ko kauḌī vo jald jhankā.ī

    asal juārī the un meñ to jaan aa.ī

    ḳhushī se kuud uchhal kar pukāre o bhaa.ī

    shugūn pahle karo tum zarā divālī

    shagun baazī lagī pahle yaar ganDe

    phir us se baḌh ke lagī tiin chaar ganDe

    phirī jo aisī tarah baar baar ganDe

    to aage lagne lagī phir hazār ganDe

    kamāl nirḳh hai phir to lagā divālī

    kisī ne ghar havelī giro rakhā haarī

    jo kuchh thī jins mayassar banā banā haarī

    kisī ne chiiz kisī kisī churā chhupā haarī

    kisī ne gaThrī paḌosan apnī haarī

    ye haar jiit charchā paḌā divālī

    kisī ko daav pe lānakkī muuTh ne maarā

    kisī ke ghar pe dharā soḳhta ne añgārā

    kisī ko nard ne chaupaḌ ke kar diyā zaarā

    lañgoTī bāñdh ke baiThā izaar tak haarā

    ye shor aa ke machā jā-ba-jā divālī

    kisī jorū kahe hai pukār ai phaḌve

    bahū naughre beTe ke haath ke khaḌve

    jo ghar meñ aave to sab mil kiye haiñ sau ghaḌve

    nikal yaañ se tirā kaam yaañ nahīñ bhaḌve

    ḳhudā ne tujh ko to shohdā kiyā divālī

    vo us ke jhoñTe pakaḌ kar kahe hai māruñgā

    tirā jo gahna hai sab taar taar utārūñgā

    havelī apnī to ik daav par maiñ hārūñgā

    ye sab to haarā huuñ ḳhandī tujh bhī hārūñgā

    chaḌhā hai mujh ko bhī ab to nashā divālī

    tujhe ḳhabar nahīñ ḳhandī ye lat vo pyārī hai

    kisī zamāne meñ aage huā jo jvārī hai

    to us ne jorū nath aur izaar utārī hai

    izaar kyā hai ki jorū talak bhī haarī hai

    sunā ye ne nahīñ mājrā divālī

    jahāñ meñ ye jo dīvālī sair hotī hai

    to zar se hotī hai aur zar baġhair hotī hai

    jo haare un pe ḳharābī fair hotī hai

    aur un meñ aan ke jin jin ḳhair hotī hai

    to aaḌe aatā hai un ke diyā divālī

    ye bāteñ sach haiñ na jhuuT un ko jāniyo yāro!

    nasīhateñ haiñ unheñ dil se māniyo yāro!

    jahāñ ko jaao ye qissa bakhāniyo yāro!

    jo jvārī ho na burā us māniyo yaaro

    'nazīr' aap bhī hai jvāriyā dīvālī

    har ek makan mein jala phir diya diwali ka

    har ek taraf ko ujala hua diwali ka

    sabhi ke dil mein saman bha gaya diwali ka

    kisi ke dil ko maza KHush laga diwali ka

    ajab bahaar ka hai din bana diwali ka

    jahan mein yaro ajab tarah ka hai ye tyauhaar

    kisi ne naqd liya aur koi kare hai udhaar

    khilaune khelon batashon ka garm hai bazar

    har ek dukan mein charaghon ki ho rahi hai bahaar

    sabhon ko fikr hai ab ja-ba-ja diwali ka

    miThaiyon ki dukanen laga ke halwai

    pukarte hain ki la la! diwali hai aai

    batashe le koi barfi kisi ne tulwai

    khilaune walon ki in se ziyaada bin aai

    goya unhon ke wan raj aa gaya diwali ka

    siraf haram ki kauDi ka jin ka hai bewpar

    unhon ne khaya hai is din ke waste hai udhaar

    kahe hai hans ke qaraz-KHwah se har ek ek bar

    diwali aai hai sab de dilaenge ai yar

    KHuda ke fazl se hai aasra diwali ka

    makan lep ke Thaliya jo kori rakhawai

    jala charagh ko kauDi wo jald jhankai

    asal juari the un mein to jaan si aai

    KHushi se kud uchhal kar pukare o bhai

    shugun pahle karo tum zara diwali ka

    shagun ki bazi lagi pahle yar ganDe ki

    phir us se baDh ke lagi tin chaar ganDe ki

    phiri jo aisi tarah bar bar ganDe ki

    to aage lagne lagi phir hazar ganDe ki

    kamal nirKH hai phir to laga diwali ka

    kisi ne ghar ki haweli giro rakha haari

    jo kuchh thi jins mayassar bana bana haari

    kisi ne chiz kisi kisi ki chura chhupa haari

    kisi ne gaThri paDosan ki apni la haari

    ye haar jit ka charcha paDa diwali ka

    kisi ko daw pe lanakki muTh ne mara

    kisi ke ghar pe dhara soKHta ne angara

    kisi ko nard ne chaupaD ke kar diya zara

    langoTi bandh ke baiTha izar tak haara

    ye shor aa ke macha ja-ba-ja diwali ka

    kisi ki joru kahe hai pukar ai phaDwe

    bahu ki naughre beTe ke hath ke khaDwe

    jo ghar mein aawe to sab mil kiye hain sau ghaDwe

    nikal tu yan se tera kaam yan nahin bhaDwe

    KHuda ne tujh ko to shohda kiya diwali ka

    wo us ke jhonTe pakaD kar kahe hai marunga

    tera jo gahna hai sab tar tar utarunga

    haweli apni to ek daw par main haarunga

    ye sab to haara hun KHandi tujh bhi haarunga

    chaDha hai mujh ko bhi ab to nasha diwali ka

    tujhe KHabar nahin KHandi ye lat wo pyari hai

    kisi zamane mein aage hua jo jwari hai

    to us ne joru ki nath aur izar utari hai

    izar kya hai ki joru talak bhi haari hai

    suna ye tu ne nahin majra diwali ka

    jahan mein ye jo diwali ki sair hoti hai

    to zar se hoti hai aur zar baghair hoti hai

    jo haare un pe KHarabi ki fair hoti hai

    aur un mein aan ke jin jin ki KHair hoti hai

    to aaDe aata hai un ke diya diwali ka

    ye baaten sach hain na jhuT un ko jaaniyo yaro!

    nasihaten hain unhen dil se maniyo yaro!

    jahan ko jao ye qissa bakhaniyo yaro!

    jo jwari ho na bura us ka maniyo yaro

    'nazir' aap bhi hai jwariya diwali ka

    Source :
    • Book : Kulliyat-e-Nazeer Akbarabadi (Pg. 158)
    • Author : Nazeer Akbarabadi
    • Publication : Munshi Nolkishore, Lucknow (1922)
    • Edition : 1922
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY