saqi

batā.ūñ kyā jo rang-e-gardish-e-ayyām hai saaqī

jahāñ kā zarra-zarra kushta-e-ālām hai saaqī

ma.āz-allāh ab har har qadam par daam hai saaqī

gulistāñ meñ ye āzādī kā faiz-e-ām hai saaqī

samajh saktā hai kaun is raaz ko juz ahl-e-mai-ḳhāna

libās-e-sub.h meñ kitnī bhayānak shaam hai saaqī

qafas kaisā nasheman kyā ye sab kahne kī bāteñ haiñ

na jab ārām thā saaqī na ab ārām hai saaqī

ajam be-bahra-e-īmāñ arab be-bahra-e-dānish

ba-īñ-āġhāz donoñ kā burā anjām hai saaqī

sitam ye hai koī shīsha-garoñ ko kuchh nahīñ kahtā

mirī ḳhārā-shigāfī morid-e-ilzām hai saaqī

hijābāt-e-tasavvur meñ abhī hai millat-e-ādam

abhī insāñ shikār-e-la.anat-e-aqvām hai saaqī

abhī mardūd-e-dargāh-e-ḳhirad hai tābish-e-īmāñ

abhī maqbūl-e-ālam zulmat-e-auhām hai saaqī

abhī pyāsoñ ne paa.ī hī nahīñ hai rāh-e-mai-ḳhāna

ḳhirad kī koshish-e-paiham abhī nākām hai saaqī

ulajh kar rah ga.e haiñ mudda.iyān-e-rubūbiyyat

ḳhayāl-e-ḳhām bil-āḳhir ḳhayāl-e-ḳhām hai saaqī

charāġh-e-rāh ban kar rahbarī kī jis sahīfe ne

vo juzdānoñ ke shīshe meñ charāġh-e-bām hai saaqī

tirā ye rind-e-sar-gashta jise 'fārūq' kahte haiñ

isī tanqīd ke chalte bahut badnām hai saaqī

ḳhat-e-paimāna arq-e-mauj-e-sahbā hotā jaatā hai

ijāzat ho ki ab aage ḳhudā kā naam hai saaqī

bataun kya jo rang-e-gardish-e-ayyam hai saqi

jahan ka zarra-zarra kushta-e-alam hai saqi

maaz-allah ab har har qadam par dam hai saqi

gulistan mein ye aazadi ka faiz-e-am hai saqi

samajh sakta hai kaun is raaz ko juz ahl-e-mai-KHana

libas-e-subh mein kitni bhayanak sham hai saqi

qafas kaisa nasheman kya ye sab kahne ki baaten hain

na jab aaram tha saqi na ab aaram hai saqi

ajam be-bahra-e-iman arab be-bahra-e-danish

ba-in-aghaz donon ka bura anjam hai saqi

sitam ye hai koi shisha-garon ko kuchh nahin kahta

meri KHara-shigafi morid-e-ilzam hai saqi

hijabaat-e-tasawwur mein abhi hai millat-e-adam

abhi insan shikar-e-lanat-e-aqwam hai saqi

abhi mardud-e-dargah-e-KHirad hai tabish-e-iman

abhi maqbul-e-alam zulmat-e-auham hai saqi

abhi pyason ne pai hi nahin hai rah-e-mai-KHana

KHirad ki koshish-e-paiham abhi nakaam hai saqi

ulajh kar rah gae hain muddaiyan-e-rububiyyat

KHayal-e-KHam bil-aKHir KHayal-e-KHam hai saqi

charagh-e-rah ban kar rahbari ki jis sahife ne

wo juzdanon ke shishe mein charagh-e-baam hai saqi

tera ye rind-e-sar-gashta jise 'faruq' kahte hain

isi tanqid ke chalte bahut badnam hai saqi

KHat-e-paimana arq-e-mauj-e-sahba hota jata hai

ijazat ho ki ab aage KHuda ka nam hai saqi