sab din ek jaise nahin hote

sab din ek jaise nahīñ hote

kal kā din to aisā nahīñ thā

jaisā aaj kā hai

har din apnī apnī guphā meñ

chhupā

jab savere savere

ham se sāmnā kartā hai

to kahtā hai

aaj kā din guzāro to jāneñ

aur ham

kamar-basta ho jaate haiñ

aaj ke din ke guzārne ko

vo din ham guzār lete haiñ

aur ham is guzre hue

din ko

pīchhe palaT kar dekhte haiñ

sūraj ke saath

Dūbte

añdhere meñ muñh chhupāte

bahut Thoñk kar aayā thā

ḳhud ko

jaise hameñ ye din guzārne na degā

aur giḌgiḌā.eñge ham

us ke sāmne

aur apnī gardan jo ham hamesha

akḌī rakhte haiñ

us ke sāmne jhukā deñge

aur apnī āñkheñ

phaTī phaTī kar ke us ke sāmne iltijā kareñge

ki aaj kā din vaisā hī guzre

jaisā

ek din guzārā thā

jaise ham kabhī nahīñ bhūlte

bhale se

saare din aise vaise guzarte raheñ

ham nahīñ jhukā.eñge apnī

gardan

aur lagā deñge is meñ

hamesha ke liye

cluff

jo us ke sāmne hameñ

jhukne nahīñ degā

bhale vo din kitnā hī burā guzre

sab din ek jaise nahin hote

kal ka din to aisa nahin tha

jaisa aaj ka hai

har din apni apni gupha mein

chhupa

jab sawere sawere

hum se samna karta hai

to kahta hai

aaj ka din guzaro to jaanen

aur hum

kamar-basta ho jate hain

aaj ke din ke guzarne ko

wo din hum guzar lete hain

aur hum is guzre hue

din ko

pichhe palaT kar dekhte hain

suraj ke sath

Dubte

andhere mein munh chhupate

bahut Thonk kar aaya tha

KHud ko

jaise hamein ye din guzarne na dega

aur giDgiDaenge hum

us ke samne

aur apni gardan jo hum hamesha

akDi rakhte hain

us ke samne jhuka denge

aur apni aankhen

phaTi phaTi kar ke us ke samne iltija karenge

ki aaj ka din waisa hi guzre

jaisa

ek din guzara tha

jaise hum kabhi nahin bhulte

bhale se

sare din aise waise guzarte rahen

hum nahin jhukaenge apni

gardan

aur laga denge is mein

hamesha ke liye

cluff

jo us ke samne hamein

jhukne nahin dega

bhale wo din kitna hi bura guzre